Svrabín Koqkám pè Fransic nø Salovenia móngdan Dvm mvdaq svng vtoò nø dvmàn we shvngka.

Svrabín Koqkám pè Fransic nø Salovenia móngdan Dvm mvdaq svng vtoò nø dvmàn we shvngka.

Vle ámì we lvbán tiq nì taq Svràbín Koqkám pè Fransic Salovenia móngdan Dvm mvdaq Mr.Borut Pahor

vhøm bøì we íe. Vaticanò vdwiyémú íwe Cadinal Mr.Borut Pahor nvng móngdan vrvm nvng vtoqvtip we

angké pè Svrado Mr.Paul Richard Gallagher nvng vhøm bøì we íe.

Vaticanò shvngka dvp mvdoí dvká:ngò we taq Vatican nvng Salovenia móngdan dvhø vrvm vrá nø  vdoqvtip

we (30) nøng vhøm ráì we íe.

Wedø vtoqvtip nø dvmàn we dang rìtaq móngdan dvhø vzøm nø dvmàn we wáshì we dang taq nvnggùn

lúnshì we dang nvng svsana nvng Salovenia móngdan Vnã bai rìnvng vtoqvtip we dang gø ía:mè. Móngdan

vrvm nvng sing we dang rìsvng gø dvmàn lúnshì bøì íe.  Europe daqmagaq svng Europe Mepvng lvp svng

shvrà ràm lvm (chew lvm) dang rìsvng gø vrà shì lún bøshà we íe wàe.