Svrabín Koqkám pè Fransic Ukraine Dvm mvdaq nvng phone kèní vtoqvtip we shvngka.            

Svrabín Koqkám pè Fransic Ukraine Dvm mvdaq nvng phone kèní vtoqvtip we shvngka.
           

Svrabín Koqkám pè Fransic nø vlè bøì we lvbán vchuqnì taq Ukraine Dvm mvdaq nvng phone kèní vtoqvtip bøì we íe. Wedø vtoqvtip we rvtø taq ni mònggàn vlelvm høq bòmí wapmò we svng tálún shìwe íe
. Ukraine móngdanò Vatican Kinmvng pèí ‘Ukraine móngdan nvng sing nø Svrabín Koqkám pè Fransic gvza nønt mvbyò bøì we íe wanø’ tweeter yvng kàru vrū bøà we íe. Ukraine Dvm mvdaq ígø‘Ukraine
móngdànò cømsaq mòngzøl lvm nvng cil mvjàn nvl lúnlvm dvpvt vjúrøt dvbvng we Svrabín Koqkám pè Fransic svng oqà wanø shøn we íe. Ukraine móngzøngcèrì gø Svrabín Koqkám pèí shvnshvr pvlacè
dang nvnggùn kù:ngã dvshvt we svng a:ngò tweeter yvng kàru vrū bøà we íe.

Svrabín Koqkám pèí gø‘Ukraine yvng cil mvjàn svng mvshúng shi døni, Russia yvng gø mvshúng we íe. Kàngpè Yesu í nøngmaq svng ngànshà dvløt we svng Gvrayò latnak kèní vgám lvm Shv:ngøt bø'shà
we íe. We latnak nø vjúrøt we dang nvng v'm aq vnvtshi nø, cømsaq mòngzøl we Koqkám mè mònggàn svng cil mvjàn mvgám dvløt we dang kèní lùtshì lúnlvm dvbvng lvm’ tweeter yvng kàru vrū bøà we íe.

Ukraine móngdan dvpvt vjúrøt dvbv:ngì wanø lumuqgunyet tiq mvdoí wùl gáng sùmla nvng Ukraine móngdanò cømsaq mòngzøl lvm dvpvt Svràbín Koqkám pèí v'm pà vnvtshi nø vjúrøt dvbvng lvm mar (2)
nìnø tvpráì wàe. Svrabín Koqkám pè Fransic í Ukraine Dvm mvdaq svng phone kèní vtoqvtip dvmvn we angni nø Russia Kinmvng rúng svng zaqlè wvng dìámì we mèpvng ni taq phone kèní vtoqvtip we
svng shálún shìe.