Svrabín koqkámpèò bøngí Italy koksóy rìsvng dvshàwe vsvng rìkaq vwvl nàòe shvngkà.

Svrabín koqkámpèò bøngí Italy koksóy rìsvng dvshàwe vsvng rìkaq vwvl nàòe shvngkà.

Italy móngdàn taq nøtløm we ãlù angkàng rìnø, wedø ãlù záng lvmsvng dvdvmò rvt Italy móngdàn tìnì lvp kení dvsházã we mvdò (4) mvdòí koksóy (2) dàng jàn nø Svrabín koqkámpè svng ãlù zídángí weyvng kení tiqdvtvng dvshàwe vsvng rì kaqsvng vwvl ãwe íe. Covid rvtnø taq "dvshà we vsvng téwa loqmàn shìráì” we íe. We dvshà we vsvng mvdò yvngnø, ãnìlà taq bvnlì kení nvlòrì, vmlvm aqlvm mvdòng v:mòrì nvng høwūr mvkøm we vsvng rìnvng angcì angkàng rìsvng dvkøm mvkoq nø vlwe chøm vsvng rap rì íe. We(4) mvdò nø Italy móngdàn tìnì lvp vlwe Therontu myoq kení pvngò we íe. Wemyoq nø dvgá myoq rìnvng shvbóng daqò nì, dvshà rìínø bvnlì mvlúnò we vsvng rì té mvlòng vlwe myoq tiqmyoq gø íe. November (17) yaq taqgø we mvdò rìí, Theryundu Svrado yvngsvng koksóy bòng (1) kíngján svng vlūzíò nø, vwvl nã bøã we íe. We mvdò rìí, dvshvngò we shvngkàtaq " nàó nítvp rìsvng dvshà vhøm we rìsvng dvjaq dang wá mvdaq, nàò nèniq shì lòngì pàgø mvbøn wanø kà vhóng íwa shøn mvdaq wanø legà dvkàng bøã íe.

Translated by Paul Hpu Ye Dwi

Photo courtesy of: Francesco Carucci | Shutterstock