Svrabín koqkámpè Francisí American President àngshvr Joe Biden kaq svng vtoò we kàru shvngkà zíbøà we

Svrabín koqkámpè Francisí American President àngshvr Joe Biden kaq svng vtoò we kàru shvngkà zíbøà we

American móngdàn vsúyaq rvsvng bóy taqkèní móng vsvngrìí rvcvng bøà we 46 gø wagø American móngdàn president svng rvcvng shì lúnbøà we íe. Svrabín koqkámpè Francis taq kèní gø President àngshvr Joe Biden kaq svng dvbù nøtí vtoò we shvngkà tvnùng bøà we íe.

Svrabín koqkámpè àngò tvnùng kàru taq àng taqkèní gø American móngdàn President àngshvr pè dvpat vjúrøt dvbangā lvm íwe gvray yáng kèní zitnøt rálnøt gálòng svng vtoshì leqlúnò, mònggvn móngdànrì dvhø mòngzøl dø vzømwe vtoq vtip we dang wálún lvm, president àngshvr pè taqkèní American móngdàn svng vrangwe móngdàn wulaq dang, paqzí dang shiqshàn dang, kámnøt tvrà dangrì, vdu vbóng we dvrá uqbvdirì, svngpvn dvsháza bvnlìrì, chøm dvgø màdáwe dvshà mvhøt vsvngrì kaq tubum dvbangshì we dang rì taq téwa wálún we nvngòn kùngàrì lúnlvm dang vjúrøt dvbangā weí dvkám bøà we íe.

Yadø president àngshvr rung rawe vrvm yadø dvbù nøtí vto we kàru tvnùngò we nø tông laqyà tiqlòng ku vlwe íe. American móngdàn president àngshvr Joe Biden nø Svrabín koqkámpè Francis nvng 2013 nøng taq tiqboq Democratic President íyàngì we Obama bat taq dvzøm shú wáshì rvtø 2015 nøng Washington DC myuq taq tiqboq 2 boq høqshaq vhøm bøì we íe wae.

Add new comment

7 + 8 =