Svrabín koqkámpè Francis nø àngò bv̀nlì døngjá kèní nvrshì bøwe dvgvp Vatican taq vl-lv́m mø:í wanø dvdam lúnshì we dang nv̀ng wedø bv̀nlì kèní nvrshì lv́m tvrà mv-vl wanø̀ Svrabín koqkámpè Francisí vtànvtnà we íe.

Svrabín koqkámpè Francis nø àngò bv̀nlì døngjá kèní nvrshì bøwe dvgvp Vatican taq vl-lv́m mø:í wanø dvdam lúnshì we dang nv̀ng wedø bv̀nlì kèní nvrshì lv́m tvrà mv-vl wanø̀ Svrabín koqkámpè Francisí vtànvtnà we íe.

Spain móngdàn taq wàbǿà we Televisa-Univision nv̀ng vhømnø̀ dvmv̀nwe tvyø tiqlòng taq “Svrabín koqkámpè Benedict XVI ò bv̀nlì døngjá kèní nvrshì yv̀:ngì we tvrà nø shvlawe laqyà tiqlòng ínø̀ wedø St. Peter ò bv̀nlì døngjá sv̀ng tvle kámshì ráì we svrabín koqkám dvgá tiqgǿ rvcv̀nglv́m vkáng la vl-longwe ínìnø Svrabín koqkámpè Francis ò lvpat bv̀nlì døngjá rì sv̀ngnø téwa shvng shvng wa ídø vtánā vdu longe.” Wanø vtàn bǿà we íe.

Àngtaq kèní la àngò bv̀nlì døngjá kèní nvrshì vdulongwe ínìnø Rome taq nvrshì vdu longwe ínø̀ Vatican taq vl lv́m mv-vl long wanø dvdamshì we dang vtàn bǿà.Vzàngkaq nvrshì bǿì we Papa Paul ò vl yv̀:ngì we shvrà tiqlòng íwe St. John Lateran in Rome Basilica svng vsél shìlv́m tvrà dang røtò dvgvp nø wedang màngnø bǿndaqwe tiqdang ílòng sv̀ng vtàn bǿà wegø íe.

Vránø̀ Svrabín koqkámpè Francis nø àng shini Svrabín koqkám vya sv̀ng mvkámshì we dvgvp Agentina móngdàn taqni àng bv̀nlì kèní nvrshì vdu longwe ínìnø we shvrà taqø gvray bv̀nlì sv̀ng dvtut wá dvzaqshì lv́m íwe dang vtàn bǿà we íe.Europe móngdànrì taq bø̀nwe mvjànrì dangnv̀ng singnø̀ røt ò we taq nv̀mlaq taq Russia sv̀ng shi mvdi ke Ukraine móngdàn sv̀ng dìlv́m íwe dang àngmaq nv̀ng vhøm nø̀ dvmv̀n lv́m íwe dang vtànvtnà we íe.Svrabín koqkámpè Francis àngò lvpat tvrà sv̀ng vtànò we dang taq vshv́ng 4:00 – 4:30 nari dvhø̀ taqnø vjúrøtshì ínø̀, 15 ni taq 1 ni nø shvrúngshú rì dvpat mvrà vroqāwe dang wáā we sv̀ng vtàn bǿà wegø íe.