Svrabín koqkámpè Francis Roma svng lo we tvrà taq nvmbøng shø svng gònglvm jak gòngre lángshì vdu bøì we.

 Svrabín koqkámpè Francis Roma svng lo we tvrà taq nvmbøng shø svng gònglvm jak gòngre lángshì vdu bøì we.

  Svrabín koqkámpè Francis nø Molda móngdàn svng gvray bvnlì dvpat zaqlè diwe yvngkèní lolvm rvtø taq Molda móngdàn Gàmzø koqkámpè Geor6Vella nvng gø vhøm nø dvmvnwe wálún bøà wegø íe.

   Wedø lo ráì we tvrà Molda móngdàn nvmbøng shø tøm:ø tuqráì kvt àngnø mvjòr bøì we shaqí shvrúng shú Father Tiqgø taq zømshì nø tvrà dírà bøì we svng yánglún shìe.

   We shvrà taq shvngømré vrvm kèní shølshú rìnvng móng øpshú vgorì shvngbe svng àng:í pàmvrà wanø vtoqshì bøì we gø íe. Svrabín koqkámpè Francis nø mvbøng shøchømsvng gònglvm rvtø taq hípøt zawe rat àngwà gòngre kèní ngang mvdángshì bøì we ínø jak gòngre í ngang rà bøì we svng yánglún shìe.