Svrabín koqkámpè Francis taq kèní Iraq nvng seria móngdàn rìtaq bønwe móng vsvngrì mvdàm vréshì we tvràrì svng vchyak Lu lvm mònggvn móngdànrì kaq dvkám we

Svrabín koqkámpè Francis taq kèní Iraq nvng seria móngdàn rìtaq bønwe móng vsvngrì mvdàm vréshì we tvràrì svng vchyak Lu lvm mònggvn móngdànrì kaq dvkám we

Svrabín koqkámpè Francis taq kèní Seria nvng Iraq móngdàn rìtaq svngpvn zìdang vháng lúnlvm wawe lìpùng taq dvkám bøà we ínø we lìpùng taq Catholic NGO mvdò rì 50 dángte vbá we íe. Vdè móng vdè rvgaq kèní vtshì dvzvŕ we, dvki vrè we rat yelshì vdu we nvng téwa kámnøt tvrà ratnø angdè móng rvgaq kèní vtshì vmì we rvcvngcè rì kaq dvdam nø angmaq svng shømløm we vdòng taq vdè rvgaq svng vrá lolún lvm nvng ràwe dangrì taq tùbum dvbangā lúnlvm dvpat tvnùng bøà we íe.

Wewa mvtaq yani la vkøn we yóga zønlì nvng singnø vgám lúnlvm tvràrì taq dvzaqshì lvm svng gø vra shì bøì we íe.

Mònggvn taq vkøn we yóga zønlì nvng singwe cvndøng dvrárì taq cvndøng lvm Svrabín koqkámpè Francisí dvkám we shvngkà

Yanøng taq wá vdu we Yesu angmè mariq góng shvng møí we vjúrøt bóy angni taq Piazza di Spangna shvrà taq angwà nøng dø vsvngrì mvme mvngushì we taqkèní wá mvlún shì bøì we írat nøt mvbyo lvm íyá:mì.

Yadø móngdàn øpshú rì taqkèní gvlnø mvsat shì we cvndøng dvrárì taq cvndøng dvzaq shì ràwe ínø we vdòng taq angmè mariq shóngshì we vjúrøt shìwe dang, nøt vwáng shìlvm nvng Gvray angò jejú gømpaq rì vdòng taq dvgùng shvring we dang rì wá dvzaqshì ràwe svng shvdøm nø tvnùng bøà we íe.