Svrabín Koqkámpè (nvlshì bǿìwe) Bemedict (16) ò, Dvgv̀msvng Vpǿshvring Vjúrøt Vsvng Gvzà Loqwe Shvngkà

Svrabín Koqkámpè (nvlshì bǿìwe) Bemedict (16) ò, Dvgv̀msvng Vpǿshvring Vjúrøt Vsvng Gvzà Loqwe Shvngkà

Shvngbeí sháì wedøni tiq dvchá svrabín koqkámpè (nvlshì bǿìwe) Benedict (16) nø December shvla (31) nì taq kàngpèò vdùng

taq loámì we íe.

Angsvng january (5) ni taq St. Peter Basilica nøqngø̀m chø̀m gvbaò lvmpvng dvgv̀m vdúng taq kǿm bǿà we íe. Vkvtnø vatican ò,

lvmpv̀ng dvgv̀m svng vjúrøt zaqlewang dìwe vsvng rìdvpvt poqbǿà weí Svrabín (nvlshì bǿìwe) benedict nvng tiqdø, dvgá

mavlámìwe svrabín rìò dvgv̀m rìsvng vjúrøt vpǿ shvring mvyǿ we vsvng rì dvpvt yvnglvm poq bǿà we íe.

Lvmpvng dvgv̀m svng dìlvm vsvng rìnø St. Peter Basilica nøqngø̀m chø̀m vdùng svng góng ràe. We mepvng nø ‘the Altar of

Confessin’ (wunkàn do bvlin) wawe st. Peter ò, dvgv̀m mvdvm shvnvng taq kèní góng ràwe íe. 

Wedø íniwa vkvt kǿmshì bǿìwe svrabín (nvlshì bǿìwe) Benedict (16) nvng dvgá Svrabín rìò dvgv̀m rìsvng vjúrøt vpǿshvring lúnshì

bǿì we íe.We shvrà taq st.Peter kèní køtwa yamvsuq ang dvtvng ang dvtvng angmè Cahtolic shvngø̀mré svng shøl yv:ngà we

svrabín koqkám rìò gv:lò we dvgv̀m rìsvng yv́nglún shìwe íe.