Svrabín Koqkvmò Hungary nvng slovakia móngdàn kaq dì bøì we dvbùshang tvrà tvyøri

Svrabín Koqkvmò Hungary nvng slovakia móngdàn kaq dì bøì we dvbùshang tvrà tvyøri

==================================================================

September shvlá (12)nī,
Lvban ni vsháng (60:00) rvtø Roma Vbibi saìya nvmbøngshø wáng  'Fiumicino'kèní búnglvm ínø, Vsháng (70:45) rvtø taq Pudapest Vbibi saìyā nvmbøng shø wáng taq móngdàn  lvmvng tiqyø taqkèní vtō lvm íbø ì.Vsháng  (80:45) rvtø taq móngdàn dvmmvdaq pè nvng Wunjíchuk nvng vhøm lvm ínø,Vsháng (10:00) rvtø taq nø dvgá shvngømré mvdòrì nvng Yuda vsvngpvn dvcìrìò kønmvngrì nvng gø vhømlvm íbø ì we svng shálún shìe. 

Vyáng (11:30) rvtø taq nø Vkangpè Yesuò Kagvp nóng we Missa nvng ungenlus vjúrøt we svng ‘Heroes’ Square’ (shvrerìò kvttøm) taqø Noqngøm lvm íbø ì.Dørøm  (20:30) rvtø taq nø svrabín koqkvmpè svng pàmvrà wanø, svrabín koqkvmpè nø Pudapest Vbibi saìyā nvmbøng shø wáng kèní slovakia móngdàn kaq svng zvndvttut bung lvm íbø ì.Dørøm (20:40) rvtø taq slovakia móngdàn kaq svng nvmbøng shøchømí bung lvm íbø ì.

Dørøm (30:30) rvtø taq nø slovakia móngdànò Vbibi saìyā nvmbøng shøchøm wáng taq tuqdaq nø àngmaq móngdànò tongkring lvmvng tvyø taqkèní Svrabin Koqkvm Francis svng vtōlvm íbø ì.Dørøm (40:30) minutes rvtø taq nø svrabín Koqkvmò kønmvng ròng taq rvzvngce mvdò vrvm taqkèní shølshú Vgorì nvng vhøm lvm íbø ì.Dørøm (50:30) rvtø taq nø slovakia taqø dvbùshang Sasvna bvnlì wàwe Jazz mvdòrì nvng svrabín Koqkvmò ròng taq lvksan vhømlvm íbø ì.

September (13)ni lvban (1)ni
Vsháng rvtø (90:15) minutes taq nø dvmmvdaqchøm taqø svrabín koqkvmpè svng vtōlvm íbø ì.Vsháng (90:30) rvtø taq nø dvmmvdaqpè taqkèní dvrá shàng dì nø pàmvrà wàlvm íbø ì we svng shálún shìe.Vsháng (10:00) rvtø taq nø móngdàn ānā vl rì nvng mvdò vrvm, kønmvng rì nvng vhøm lvm íbø ì.Vsháng (10:45) rvtø taq nø Catholic svradorì, Shvrúngshúrì, dvzømshúrì nvng shvrúngshú Zong mangcerì nvng Gvray dvzømshú Svrarì St.martin Noqngøm chøm me taq vhøm lvm íbø ì we svng shálún shìe.

Dørøm (40:00) rvtø taq nø 'Bethlehem' center kaq dì lvm íbø ì nø, dørøm (40:45) rvtø taq nø Yuda vsvngpvndvcì mvdòrì nvng 'Rybne Namestie' tøm taqø vhømlvm íbø ì we svng shálún shìe.Dørøm (60:00) rvtø taq nø Bāli má:nò Vgopè nvng Svrabin Koqkvmò kønmvng ròng taq vrá vhømlvm íbø ì.Dørøm (60:15) rvtø taq nø wunjí chuk nvng vrá tiqkvt Svrabin Koqkvm kønmvng ròng taq vhømlvm íbø ì we svng gø shálún shìe.

September (14) ni, 
Lvban (2)ni vsháng (80:10) rvtø taq nø dvgá dø myoq angshvr íwe Kosice myoq kaq dìlvm dvdushaq íbø ì.Vsháng (90:00) rvtø taq nø Kosice nvmbøng shøchøm wángkaq dìlvm íbø ì.Vsháng (10:30) taq nø St. John Noqngømchøm wáng taq vjú røt kung wàlvm íbø ì we svng gø shálún shìe.

Dørøm (40:00) rvtø taq nø Kosice taqø vl we Roma dvcì døngku vsvngrì nvng vhøm lvm dvdushaq íbø ì. Dørøm (50:00) rvtø taq nø Kosice myoq taqkèní zilvngrérì nvng vhømlvm íbø ì.Dørøm (60:30) rvtø taq nø – Bratislava kaq svng vrá nvmbøngshø chøm taqkèní bung lvm íbø ì nø dørøm (70:30) rvtø taq nø - Bratislava nvmbøngshø wáng kaq svng tuqlvm íbø ì.

September (15), 
Lvban (3)ni Vsháng (90:30) rvtø taq nø svradorì nvng tiqdø vjúrøt we vlē.Vsháng (10:00)nayi rvtø taq nø– Sastin Medo taq Missa Kagvp noqngøm rvtø wàlvm íbø ì we svng shálún shìe.Dørøm (10:30) rvtø taq nø pàmvrà wàwe vkvng we vjúrøt bóy svng wàò nø Roma móngdàn kaq lolvm  Vbibi saìyā nvmbøngshø wáng kaq svng bung lvm íbø ínø, Dørøm (30:30) rvtø taq nø Roma móngdàn Vbibi saìyā nvmbøng shø wáng kaq svng tuqlvm íbø ì dang  shálún shìe.