"Svrabín koqkvm Francisí nø February (2) nì taq mònggvn shvrúngshúrìò àngnī Missa Kagvp nóngbøā Shvngkà"

"Svrabín koqkvm Francisí nø February (2) nì taq mònggvn shvrúngshúrìò àngnī Missa Kagvp nóngbøā Shvngkà"

February (2) ni lvban vshøm ni nø mònggvn shvrúngshúrìò àngnī írvt weni taq shvrúngshú wajau, dvzømshú mama mvdòrì taqkèní shvrúngshú rì St. Peter Bacílíca Noqngøm chøm me taqø Svrabin Koqkvm Francis nvng tiqdø Missa Kagvp nóng nø noqngøm we wà bøà.

Dènøng shvrúngshú rìò àngni taq svrabín Koqkvm Francisí tiqgø'wā íni gø, mvdò nvng vjúrøt we rvtø taq íni gø Nønt yv'ng góng wáshì nø dvgv'ngshì lvm, àngdeí dedàmò dø mvbøn lúng dvgvp gø Nønt yv'ng góng wáshì lúnlvm rvt dvshat nø Mongkà taq kèní nonggùn zìe.  

Nønt yv'ng góng wáshì lòng nø vnyàq we kùmla mø-í. Nøntnò vzaqshi lòng svng dvtánò we kùmla mvng íe. We lòng nønt nø àngdeí èmvnò we døngja íni gø, mvdòrìò døngja íni gø rílvm, dvnúng lvm, tiqdvr vsvngrìò mv-kum mv-zøp lòng svng vtōshì sháāràe. Rvgaq nvmbøn shvla kvtwā cúnshìlvm vlē wànø shøne, dvkvme.

Noqngøm rvtø svng  dørøm lap (5:30) taq wà bøā we íē. Weni nø lòngzapè Yesu svng yerusalem Noqngøm tø'ngnø vdòng kaq dì nø a:pmò we àngni íe. We ni svng mònggvn døngtang taq vl we shvrúngshúrìò àngni wànø Catholic shvngømré me taqkèní mvsat lúngā.