Svrabín Koqkvmpè Benedictò shiqshan tvrà dvja.

Svrabín Koqkvmpè Benedictò shiqshan tvrà dvja.

29 December 2022 nøng

EWTN Portal reports ò Shvngkà dvtan we taq Svrabín Koqkvmpè Benedict (16) nø shiqshan tvrà Za yvng gvza rvnaq rvt nønt bùmlvm zidvng taq vl bø'ì, rvtø vrvm taq shaq vlē sháòe, wànø shønòe.

Svrabín Koqkvmpè Benedict nø Nønt mvdø'mshì bø'ì, Àng nvng nítvp dø vl rìí dvzømō nø vjúrøt dvbvngòe. December shvlá 28 yaq taq Svrabín Benedict svng Gemelli Polyclinic cì róng kaq shøl v-du mà-du wā dvdvmo we íni gø cì róng svng mvshølò nø Mater Ecclesiae Monastery taqwā nítvp dø lvjanglvm íe wā shøn weí kaciq gvl bøā.

Rvtø vrvm taq shaq vlē sháò rvt Svrabín Koqkvmpè Benedict taqkèní lvpkà kàru tiqyang svng gø dvgø'shì bø'ì we íe.

Vatican Shvngkà dvp kèní gø shiqshan tvrà àng dvja rvnaq lúngì dang shvdøngò nø dvkvng bøā we íni gø dènila rvtø taq shiqshan tvrà vrá tiqkvt shvlá lúngì rvt nø Svrabín Koqkvmpè svng nítvp dø dvzømō we dang svng shá lún shìe.

“ Vlē á:mì we rvtø àngdòng taq nø Svrabín Koqkvmpè Benedict 16 ò lvpat gø'ngzøl lúngì rvt shiqshan tvrà àng dvja rvnaq lúngì we dang shvdøng lúnshìe. Vkvt høq nø àng shiqshan tvrà dvja svng roqā nø Svrawun rìí Svrabín pè svng nítvp dø dvzømō nø yangòe" wànø Vatican Shvngkà dvkvng dvp ò director íwe Matteo Bruni í Shvngkà dvtøp mvdò rì kaq svng December 28 ni taq shøn bø'à we íe.