Svrabín Koqkvmpè Francisí dvshà yvklvm vhø'mō vsvng rì mvdvm sasvna kèní shóngnønt dvtan ràe wā we Shvngka

Svrabín Koqkvmpè Francisí dvshà yvklvm vhø'mō vsvng rì mvdvm sasvna kèní shóngnønt dvtan ràe wā Budabvtmyoq St. Elizabeth Noqngøm tøngnu taqø dvkv'm bø'à.

" Nøngmaq taqkèní shóngnønt Dvrá nvng sing we dvcipvn Kà svng jangdø shøn lún we Sasvna bø'nlúnlvm vchvknge. Shøn mvyø we taq dvshá zā shóngnønt Dvrá bvnlì svng dvnungà lún we Sasvna ràe. Shóngnønt Dvrá nvng sing we Kà nø mònggvn taqkèní gø cíngà lúnè. Táa lúnè. Yà dvcipvn Kà taqkèní Kvmnønt vbóng we íni gø, màbóng we íni gø cíngràl lúnè wànø Hangery móngdàn Budabvtmyoq vl St Elizabeth wā bøng vzishaq íwe Noqngøm chøm me taqkèní April 29 nár vchuqni taqø shøn bø'à we íe. Svrabín Koqkvm Francis nø Svrabín Koqkvm bvnlì svng rí lúngì mèpvng vkvt tiqbaq Hangery móngdàn kaq svng dvbùshang Sasvna dì lòng nø àngò lvpat taq (42) boq Kønimóngò kaq dì we tvrà, dvrá shàng mvsø;ng shøpbøā.

Svrabín Koqkvm Francis nø Hangery móngdàn taqø (3) ni høq vl nø vjúrøt lvm íbøì. Svrabín Koqkvm kaq cvmrérì taqkèní gvzà shvla vnvp dø vtō bø'à pàdø (2) vní pè wàpè Wunji chuk mvdò kèní gø shòshò wā dvbù nønt í vtō bø'à. Hangery móngdànò vtóng lvmvng tvyø taqkèní gø vtō bø'à we íe.