Svrabín Koqkvmpè Francis ínø Ecuador nvmnøngdvm vhø'mō rì nvng nítvp rì kaq svng nár nī taq wè Angelus mongkà taq shøn bø'à Shvngkà

Svrabín Koqkvmpè Francis ínø Ecuador nvmnøngdvm vhø'mō rì nvng nítvp rì kaq svng nár nī taq wè Angelus mongkà taq shøn bø'à Shvngkà

Àng nø Ecuador byī vsvngrì nvng nítvp nø mà-vl bø'ì rì nvng dà:málún bø'à rì dvpvt vjúrøt dvbvng we, a-maq ká:mà we dang shøn bø'à.March shvlá 19 nī Àngmaqò rvtø Vsháng 1 nari kèní 12 minute taq Ecuador nvng Peru taqø gvzà nònggùn zaqwe 6.8 vl we nvmnøng wà bø'ì.

Ecuador móngdàn, Guayas byīne tìnī tut Baláo shvnvng taqø nvmnøng tiqlòng wà bø'ì we dang American Būmìqbēdaq shipvn yv'ng dvtánòe. Rvnaq kaq 65 kilometres ( 41 ming) taq vlē.Ecuador Dvm mvdaq róng svng tū nø CNN ni nvmnøng dàm rvt Vsvng 16 gø' shì nø 461 gø' dvmmá lúnò we dang CNN kèní dvtánòe.

Shvtin gvyaqá bøā we taq Vsvng mvmè vpàqkèò dang Ecuador dvbvng chvngshú mvdò Egency kèní dvkangòe.Nvmnøng dàm vhø'mō we móngdàn vl dvshà Vsvngrì tékà nø nvmnøng wàwe rvgaq rì taq vlē. Peru vmìng vkang vl rì ínø vsvng tiqgø' shì bø'ì cildvpchøm døngtámrì vbá dø vcat nø tumbes taqø vcat bø'ì we dang shálún shìe.

2016 nøng taq Pacific Gvnyúdán tibo kaq wà bø'ì we nvmnøng rvt Ecuador ò Vsvng gorø mvluq we rvgaq ò Vsvng (600) rvzé shì bø'ì. Yadang svng Vatican Shvngkà dvp kèní shá lún shìe.