Svrabín Koqkvmpè Francis nø Sunday Angelus yv'ng tuqlúngì rì kaq svng Svrabín pè Francisí àngmaq taqkèní gø ' vrvm dvpvt, vmvngv'mì rì dvpvt nvng lútshì bø'ì rì dvpvt vjúrøtnàòe.

Svrabín Koqkvmpè Francis nø Sunday Angelus yv'ng tuqlúngì rì kaq svng Svrabín pè Francisí àngmaq taqkèní gø ' vrvm dvpvt, vmvngv'mì rì dvpvt nvng lútshì bø'ì rì dvpvt vjúrøtnàòe.

 Cv'm vtv'ng brá nvng lvpat tiqnønt lvngpvng cvmrérì vbá dø shì vnàng bungàce dvgøgø' svng vrá yvng bø'à.Nár nī Vsháng tut taq lvngcha dvja mà-shvla we rvtø taq v-zéshì nø gvyaqá:mì we tí shøchøm nø Calabrian Kvnyúdán vl Crotone shvnang taqø bø'ná:mì we íe.

Svrabín Koqkvmpè nø Chutchvng we bvnlìrì taq lúm nø dvbvngshì bø'ì we shvngbe kaq svng gø oqā wànø dvgø'qshì shvra lá mvnò rì kaq svng vtōòe.

“ Chømyō vjøng Mari í nà svng roq leqgár " wā vjúrøtnòe.

Cúnshì we tiqmaqí Nga tà:p we bvnlìrì yv'ngkèní v-zéshì nø vl rì 180 gø' rvzé nvng ngvmshi we tiqmaq yv'ngkèní v-zéshì rì 250 rvzé vl we dang gønshaq ngvmshi we tiqmaq í vkvtdø dvtánòe. 

Vsvk ngvmshi rì 80 gø' svng Chvng bø'à we dang ANSA kèní shøn bø'à nø vsvk cúnshì we vnícé gø' svng Cì róng kaq vrá shøl bø'à we svng shálún shìe.