Svrabin Francis nvng Bindit Mongdan Xpshu pe vhxm we long

Svrabin Francis nvng Bindit Mongdan Xpshu pe vhxm we shvngka

Svrabin Francis nvng Bindit(French) Mongdan Xpshu pe Emmanuel Macron nx April 21, 2020 nxng Lvbvn aniniq dvgvp Telephpone keni 45 minutes dvngte ka shxn nx vhxm we svng Vatican shvngka keni shalun shie.

Svrabin nvng Bindit Xpshu Pe vhxm we long nx, Urobaq Mongdan ri keni COVID 19 rvt dvsha mvhxt vhxm we vsvng ri nvng Mongdan ri svng dvbvng lunlvm dvpvt vrashi we long i we svng shalun shie.

Vra nx, Bindit Mongdan keni COVID 19 nvng za we mongdan vsvng ri svng dvbvng we bvnli long svng gx Svrabin i oqa wa nx shvgono we.

Mvjvn rvt nx mongzxl mvluno we Mongdan ri vdong taqx mongzxl lunlvm bvnli ri yvng tiqra dvzaqshi lvm dvpvt gx Svrabin nvng Bindit Mongdan Xpshu pe vrashi we svng shalun shie.