"Svrabin Koqkvm Francisò 2021-vm aq vnatshìlvm Mongkà taqkèní lúshì we shvngkà"

"Svrabin Koqkvm Francisò 2021-vm aq vnatshìlvm Mongkà taqkèní lúshì we shvngkà"

2020, November 11 ni taq lemat tùqshì bøì nø 2021, February 12 taq nø dvkvngbøà we Svrabin Koqkvm Francisò 2021- vm aq vnatshìlvm Mongkà svng vkvt nøngmaq nø Yeruslem myoq kaq svng nga:ng ìe, wanø ( Mati 20;18) taqkèní nvmlat pvngshie.Dvnúngshì we sòngpā svng kv'm nont, vlømshi we nønt, shóngnønt rì svng vrá tiqkvt angshvr nònggwøn lùshìwe vm aq vnatshìlvm rvtø, wānø vshøm ciq taqkèní dvtvnò nø vrùo we dāng yvnglún shìe.

Nvmlat (1)ciq taq kvmnønt wàwe nø dìngman we dvrá svng vtō lvm dvpvt gø, Dìngman we dvrá svng Gvray mvrdvng, Vsvng mvrdvng svkse wáshì lv'm dvpvt gø shvdøm we tvrà íwe svng dvtvnòe.
Vní (2)ciq taq; vlømshi nønt wàwe taq muqlang móngdvn kaq tvrà dìì we nøngmaqò chutchvng we tvrà svng nònggwøn rvmshì we jøngwe vtì-wang íwe svng dvtvnòe.
Vshøm (3)ciq waciq taq; shóngnønt wàwe nø vsvngpvn dvcirì shvngbè mvdvmø Vpø nø mvrézā nønt gvlshì weí hkristuo shóngnønt wurgá:ng tvrà vl-dø cvndvgøm nø nøngmaqò kvmnønt nvng vlømshi nønt svng jór dø dvtvnshi we Bārvmi íe wanø dvtvnò e.

Wervt nøngmaqò lvpat taq kvmnønt tvrà svng mvdøng gvlshì nø vlømshi nønt ní nònggwøn lùshì nø mv-kok dvdí shóngnøntni cunshì lúnlvm dāng dvkvme.Vm aq vnatshìlvm rvtø taq tiqgø chè:mku íni gø, mvdò ku íni gø vjvng laqyà lingshì lúnlvm rvt shøl we, vjúrøt we, vlù zíshì weí hkristu vdòngø kvmnønt dìngwe lvpat taqkèní cunshì lúnlvm rvt dvshat nø shvdøm we íē.