"Svrabin Koqkvm Francis dvbushang bvnlì dìlvm tvrà dvpvt Iraq móngdvn taq vl we Catholic Shvngømrérì kèní vjúrøt dvbang pvngshì bøì we shvngkà"

"Svrabin Koqkvm Francis dvbushang bvnlì dìlvm tvrà dvpvt Iraq móngdvn taq vl we Catholic Shvngømrérì kèní vjúrøt dvbang, pvngshì bøì we shvngkà"

March shvlá taq dvbùshang sasvna bvnlì dìlvm íwe Svrabin Koqkvm Francisò Iraq móngdvn kaq svng dvzvr dvbùshang bvnlì dìlvm tvrà dvpvt January shvlá (17) ni kèní pvngò nø Iraq móngdvn døngtvng taq vl we Catholic Shvngømrérì taq kèní Chaldean Patriach Louis Raphael Sako í mvnò we mvdøng vjúrøt Kà svng shøn nø Noqngøm lvm íā:mi. Vtù vrē we, mà-rvm mà-rá we nvng mvmècé nøng nøngyv'ng góng írà íwe rvgaq taq Svrabin Koqkvm Francis dìlvm tvrà dāng nø móngdvn mongzøl nø vrvm vrálong lúnlvm Iraq móngdvn taq vl we mongjøngcerìì dvdamò nø mvrøtnò we svng shálún shìe.

Svrabin Koqkvm Francisò 2021 nøng march shvlá 5 ni kèní 8 ni høq vl nø dìlvm tvrà dang svng vlēāmi we 2020 nøng December 7 ni Vatican taq kèní shvdøng bøā we íe. Iraq móngdvn kèní Cardinal Sako í mvdvmkaq Svrabin Koqkvm Francis dìlvm dvbùshang tvrà dvpvt vjúrøt Kà svng January shvlá 17 nī kenì pvngshì nø Narni Noqngøm rvtø dvngshì bø vrvm vjúrøt Kà svng shønlvm rvt Shvngømré rì svng shádvzvrò bøāwe dāng Vatican Shvngkàdvp kèní dvtanò we shálún shìe.