"Svrabin Koqkvm Francis nø American móngdànò Bitúngsuq wønjí  Antony Blinkene nvng Vatican taq vhøm we Shvngkà"

"Svrabin Koqkvm Francis nø American móngdànò Bitúngsuq wønjí  Antony Blinkene nvng Vatican taq vhøm we Shvngkà"

Svrabin Koqkvm Francis nø American móngdànò Bitúngsuq wønjí Antony Blinkene nvng Vatican taq vhøm bøì we íe.Svrabin Koqkvm Francis nvng Antony nìnø vrvm vra nø v-toq v-tip we bvnlì (40) minutes dvngtè vlé høqshaq dvmvn nø Svrabin Koqkvm taqkèní 2015 nøng dvgvp American móngdàn kaq vyvng roq bvnlì rvt dí vdù yàngì tvrà rì svng gø dvman bøì we íe.

American móngdànò Bitúngsuq wønjí Antony Blinkene kèní Svrabin Koqkvm kaq Mongzøl lòng nvng lutshi lún we svng dvnùò nø Dan lwi àng ha svng mølò we Kaqø sømlà tiqlòng svng gø kømpaq zíò nø Svrabin Koqkvm Francis taqkèní gø “ Nøngmaqò wūr rìí tiqdvr vsvngrìo wūr kaq dvzømì " wànø vruò we  jébyá nvng tiqdø Svrabin Koqkvm Francis àngì ni vruò we Laudatosi Kàru bok, Fratelli tutti Kàru bok nvng Grand Imam nvng tiqdø vru shaq íwe Doniò gurwang svng ròqgar rì wàwe Kàru rì svng kømpaq ku zí bøā we íē. We mvdvm Antony Blinkeneò døngku dvpvt Svrabin Koqkvm Francis àngì shvmvn shaq íwe Rosary gø kømpaq zí bøā we íe.

 Svrabin Koqkvm Francis nvng shini mà-høm dvgvp Americanò Bitúngsuq wønjí íwe Antony Blinkene nø Vaticanò Bitúngsuq wønjí cardinal Pietro Parolin , Køni móng wønjí gaichuk svrado PaulGallagher maq nvng vhøm bøì we íe.   Antony Blinken kèní angò Twitter mvr taq àng dìlvm tvrà vdòng, Sistine Noqngøm zùng kaq dì bøì mèpvng yadang taq gvzà ngørdvgung vl nø vnvp we laqmurì svng yvnglúnò rvt gvzà nønt shøm dvbù lún nø dvman weí lolú:ngì we dang svng dvtvn bøā we íe.