Svrabin Koqkvm Francis svyø me kwézìtshì nø lvjangshì bøì we Shvngkà 

"Shvngkà" (8 July 2021)
Svrabin Koqkvm Francis svyø me kwézìtshì nø lvjangshì bøì we Shvngkà 

Vpøí we vnvmchvngmaq,
Svrabin Koqkvm Francis nø vlē a:mi we July (4) ni dørøm tut taq Svrabin Koqkvmò shiqshan lvm tvrà tvnúngà we Roma myoq taq vl we Gemelli cì ròngø kwézìt shìlvm rvt dì a: mì.
Wē ni, kangpè angni vyáng rvtø ungelu vjúrøt Kà svng gø Dvzvr Piter Noqngøm wáng taq vjúrøt shìlvm tuq ráì we vjúrøt mvdòrì nvng tiqdø røtnò nø Gvray kaq shvgun shvring bøā we íē. We mepvng Cì ròng svng dì bøì we íe.  

Vatican taqkèní Shvngkà dvkangò we taq Svrabin Koqkvm shiqshan tvrà rvt kwézìt lvjang shìlvm dang Matteo Brunií shvdøngò nø shøn bøā we íē. Svrabin Koqkvm kwézìt lvjang shìlvm dang nø svyø me nvng sing we dang íe.Lvmvng tiqyø rì shvngbe dvlú dvgøshaq ídø  tiqdvchá dørøm tut taq kwézìt shi bøì we íe. Svrabin Koqkvm kwézìt Shi long a:tangā:mì mèpvng Pàmvràce vlún we dang, Svrabin Koqkvm Francis kaq svng kwézìt ngawe taq bvnlì lúshì bøì we kwézìt svra wøn rì nø,  Dr.Sergio Alfierinvng shvnvp Dr.Luigi Sofo၊ Dr. Antonio Tortorelli nvng Dr. Roberta Megnhi၊ Massimo Antonelli၊ Massimo Antonelli ၊ Liliana Sollazzi ၊ Dr. Roberto De Cicco ၊ Roberto Bernabei maq íwe dang Vaticanò bvnlì angkangpe taqkèní shønòe.

Kwézìt we bvnlì vdá:ng bøì mèpvng Svrabin Koqkvm Francisò shiqshan tvrà dvja nø pàmvràce íwe dang, nvng gvray kaq gvzà Oqã waì wanø Shvngkà svng dvkang bøā we svng shálún shìe.