"Svrabin Koqkvm nø àng svng shiqshàn tvrà nitvp dø lvjvngò we svrawønpèò shāgóng vnàng rvta we júrøtkùng svng lumwe Shvngkà"

"Svrabin Koqkvm nø àng svng shiqshàn tvrà nitvp dø lvjvngò we svrawønpèò shāgóng vnàng rvta we júrøtkùng svng lumwe Shvngkà"

Vlēāmi we lvban Vnī dørøm rvtø lvp taq Svrabin Koqkvm Francis nø àngsvng nitvp dø shiqshàn lvm lvjvngò we svrawønpè Fabrizio Soccorsiò shagóng vnàng rvta we kùng svng angnì lum bøì we íe. Svrawønpè nø Covid (19)rvt January shvlá (9) nītaq maqvl a: mì. Angò shagóng vnàng lòng svng Vatican wang vdòng taq vl we Santa Maria Regina Della Famiglia (Maria Døngkungò Koqkvm mè) noqngøm chøm taq wà bøā.

Svrawønpè nø ànglvpat (78) nøng íbøì we íe. Svrawønpè nø Yóga zønlì ízā we shábøā chvng Gemelli cì róng kaq December (26)ni taq shábøā we íe. Angnø rvshú gìnsā zā Vsvng tiqgø gø íe. Angnø Svrabin Koqkvm Francisò svrawøn ku (2015) nøng kèní bvnlìrìpè gø íe. Wedø tiqdvchá Vaticanò shiqshàn tvrà wunjidvpò paqzizíshú bvnlì gø rìnø, Shansher vsvng rvzvngò we dvp taqgø svrawøn ku bvnlìripè íe. Angò shagóng vnàng lòng svng rvta lvm Missa kàgvp nóng we lvmvng tvyø svng nø Cardinal pàròlin taq kèní dvnúngò nø wàbøā we svng shálún shìe.

Add new comment

4 + 4 =