"Svrabyin Koqkvm Francisí gin-yān Dvmmvdaq svng vtoò we dang"

"Svrabyin Koqkvm Francisí gin-yān Dvmmvdaq svng vtoò we dang"

Ginyān móngdvn ginyān Dvmmvdaq Uhuru Kenyatta nø Vatican svng dì lóngì nø svrabyin Koqkvm Francis nvng vhøm bøì. Svrabyin Koqkvm Francisí mongzøl dø vtoò nø (25) minutes dvngtè vhøm nø dvmvnbøì we svng shálún shìe. Ginyàn móngdvn dvpvt catholic Shvngømréí tubum nø dvpvng we bvnlìrì rvt téwà nø paqzí nvng Shiqshan dangri taq shóngnøntni gvzà tubum èlúnbøshà rvt gvzà oqā wà sóri nønt løm gønpaq zíò we svng gø shá lunshie.

Ginyān Koqkvmò gønpaq svng gø vtōshì lún bøā mèpvng Svrabyin Koqkvm Francisí yalòng nø Ginyān móngdvnò shvlá vtvng Paqká gønpaq íē wanø Kopi,dvjashi nvng àngmaqò mvrshvr pvrā íwe kangmèí kangcerì svng ròqgar we ruphvng long gø, vlé a:mì we (5) nøng dvgvp Ginyan Ginyān móngdvn svng Svrabyin Koqkvm Francis vse yàngì we sømla vbá lòng svng gø, gønpaq zíò nø tvntiqbaq vrà dìā lvm rvt røtnemshì nø dvmvnbøì we íē. Svrabyin Koqkvm Francis kèní mvnzi músè-inq sømla nvng tiqdø Vatican lorettù kèní wàò we nvm-mvn (4) chvng svng gø gønpaq zíbøā we ie.we mèpvng Dvmma-daq nvng Cardinal piyèterulin nvng gø vhøm nø Afrigaq taq vl-we dvshá-hoq,dvshá dvrē vhømo we vsvngrì,chøm mà-dá, dvguqshìrà mà-dá vhømò we dang svng gø vrāshi bøì we svng shálún shìe. Vrá nø lvngchà vlìng weí zāyvng vhømò rì dvpvt nvng Covid 19 zønlì dvjà dāng svng gø shvyūm lúnlvmrvt dvmvn nø vrāshi bøì we svng Rome reports Shvngkà taq kèní shálún shìe.