"Svrabyin Koqkvm Francisí sistin Noqngøm Wang taq Koya director angsher tiqpè dvngò we dang"

"Svrabyin Koqkvm Francisí sistin Noqngøm Wang taq Koya director angsher tiqpè dvngò we dang"

November 22 ni Shansher mè Cicilia boy angni taq Svrabyin Koqkvm Francisí nø sistin Noqngøm Wang taq Koya director angsher tiqpè svng dvng bøā. Angnø Mgr. Marcos Pavon ínø Brazil móngzøngce gø íe. Àng nø selation shvrúng shú Fr. Massimo Palombini narshì dvgvp 2019 July shvlá taq tiqlvngce director bvnlì angkang Ku dvzaqshì yàngì pè gø íe.

Lvpat 58 nøng í-vmi we svrado gvbapè nø sistin Koya taq 1997 dvgvp kèní vbá nø mvkún ráí pè gø íe. Angnø Dvra' kvsa Ku wáshì nø 1996 taq shvrúng shú Jau tiqpè ílú:ngí nø Copolompo svsana taq gvray bvnlì rí nø dvzaqshì yàngì. Sistin Koya taq mònggang døngtvng kèní Mvkún lvnglirì (20) gø vbá nø vháng Shaq Mvkún we Lvpat (9) nøng kèní (13) nøng dvhø Lvngàréce (35) gø vlē. Àng nøng (1500) nøng dvngtè írà íwe yalòng Koya nø mònggang taq vl yv'ng kèní Lvpat mvmè vlé ráí høqshaq Mvkún shì we Koya tiqgøm gø íē.