"Svrabyin Koqkvm Francis í reyuslem kèní di ráí we svradopè svng Gaichuk vming vkvng zí bøā we dang"

"Svrabyin Koqkvm Francis í reyuslem kèní di ráí we svradopè svng Gaichuk vming vkvng zí bøā we dang"

Svrabyin Koqkvm Francis í nø svrabyin Koqkvm pè Francis Paul (6) ò shiwà rvpdòq vjùrøtshì shvrà yv'ng dìrà írì nvng vhøm nø vjúrøt dvngbøā mèpvng , reyuslem kèní rvzvng nø dvngbøā we svradopè Beatitude Pierbattista Pizzaballa svng Balium stole vyà zí bøā. Ìshøt igvn vl nø Mongzøl we lìpong svng Svrabyin Koqkvm vjùrøt shvdik Shi we Sandamardà Noqngøm tøngnu vdòng taq wà bøā we dang, Shvngømrémeò Kana law Upvde (437) vl dø tiqdvchà Gaichuk rvzi rvzvng bøā mèpvng, mø-íni àng vdè taq kèní yalòng svng rvzvngshilvm rvt (3) shvlá vdòng svràbyin Koqkvm taq kèní vdèí mø-íni dvgá tiqgø taq kèní tiqdvtvng vtōshì ràe.

Yà lòng stole svng Gaichuk svradopè kèní àng dvzaqshì vdù we shvràrì taq vming vkvng v-le wàlong svng dvtvnò we íe. Palliam wa we nø Laqtin kà ínø, gónggwa mø-íni muqshilvm dōng svng wàwe íe. Yà lòng စတို stole svng vyangmølí raqo nø, Svrabyin Koqkvmí welong stole Gaichuk svradopè svng yalòng stole nø Roma myoqo svrado tiqpè íwe mvdvm svràbyin Koqkvmò vming vkvng v-le wàwe svng dvtvno we gø íe. Svrabyin Koqkvm nø October 24,2020 taq Gaichuk svradopè Beatitude Pierbattista Pizzaballa kaq yeruslemò Gaichuk svradopè Ku dvngbøā nø, àng nø yeruslem svsanaò Gaichuk svrado (10) pè wa pè íe.

Vrá nø,Laqtin vtòng svng yeruslem taqø (1847) nøng kèní nvmlat lvngpàng ya:ngà. Svrado Beatitude Pierbattista Pizzaballa nø angò sasvna kàpung shøn we taq yalòng stole nø nøngmaq tiløp ka:msha ínø Vkangpè Yesuo dvbushang bvnlì nvng wurgang tvrà bvnlì svng rílvm rvt dvkvm lòng íe.yalong bvnlì døngjà nø shóngnønt nì shìnihøq rìnø vpnóng shìlvm nvng shòpvng monghøq svkse wáshìlvm lòng ie wā shønò e.