"Svrabyin Koqkvm Francis í Shansher we vsvng angshvr dvnglvm shangkà"

"Svrabyin Koqkvm Francis í Shansher we vsvng angshvr dvnglvm shangkà"

Vlē a:mi we lvban vnini taq Svrabyin Koqkvmí nø gvrayò dvzøm shúrì svng Shansher we vsvng dvnglvm mvsat bøā we íē.vkvt dø SHANSher we vsvng dvnglvm rì svng vshøm dang taq kèní tvnung shì we íē. Nvmlat tiq taq mà-bù:ng we cingral nønt kèní shvdik Shi lúnò gø,vni taq vdèò kvmnønt tvrà rvt vtù-vrè nø shat vhømò rì íē. vkvt dø shansher vsvng dvnglun lvm rvt, Gvrayò dvzøm shúrì wā mvsat nò we í àngmaqò cingral nxnt bøngri kèní tiqdvtvng vjúrøt dvpvng lvm bvnlì wàò we taq jórdvgung kumla vl rvt shansher vsvng dvngò we róng kèní shvdøng bøā we íe. Vkvt shansher we vsvng dvnglvm rvt mvsat bøā rì taq kèní zvmaré mama vní gø,jau vbì gø nvng Shvngømré rvsvngce tiqgø shvngbè nø(7) gø íē.

Shansher we vsvng dvnglvm rì taq kèní tiqgø nø rvsvngce Italy dvci ínø àngbøng nø Nuccia Gaetana Tolomeo íē. Àng nø Shansher vsvng dvnglvm mvsat lvm nvmlat 1 dvtvng taq íwe Gvray dvzøm shú kèní Shansher vsvng wā dvnglvm í lòngè. Pàwálvm wanì angtaq kèní tiqdvtvng vjúrøt dvpvng lù:ngí dálvm kumla tiqlòng lú shì bøì we íē.ang nø 1936,4,10 nì taq Catanzaro taq shøq yvngà.1997,1,24 taq nø Gvray vdòngø mà-vl yvngì. Shansher we vsvng dvnglvm, Gvray dvbushang Mongkà rvt shat vhøm bøā rì nø sping vsvngrì ínø,angmaq gø gvrayò dvzøm shúrì ínø Franceco Cástor Sojo López nvng angò rvm nang (3) gø íē.angmaq nø hpung øp Jau rì íē.angmaq nø (1960-1938) nøng vdòngø sping móngdvn taq Shvngømré svng vtù vrè we taq sat bøā rì íē.

Ngvm shìwe tiqmvdo nø Gvray dvrá Mòngkà rvt sat bøā rì nø mø-í.Íni gø vsvngpvn dvci vdòngø vtoq-vtip nø cunshì we lvpat taq dvgá vsvngri dvhøø dìngman dø Sher we nønt laqyàrì kèní Gvray Mongkà dvrá vdòng shvzøng shì, shvdik Shi lúnò we cingral nxnt vlri svng Gvrayò dvzøm shúrì ínø Francisca Paschal Doménech íe.ang nø sping vsvngí nø, mv-rà mà-vl wē FrancisGin Gvray dvzøm shú mvdò svng puqyvnga pè íē. àng svng 1833,10,13 ni,sping móngdvn Moncoda taq shøqò nø (1903,4,26)ni taq Gvray vdòng mà-vl yvngì. Shansher we vsvng dvnglvm íwe dvgá Gvray dvzøm shú tvn tiqgø nø Mama tiqme ínø ang gø sping vsvng íē. Àngbøng nø Maria Dolores Segarra Gestoso íē. Àng gø hkristu svsana dvbushang dvzøm shú Mama tiq mvdò svng puqyvnga we tiqme íē. Àng nø 1921,3,15)sping móngdvn Melilla taq shøq yvngà nø 1959,3,1)sping móngdvn Granada taq Gvray vdòngø mà-vl yvngì we tiqme íē.