"Svrabyin Koqkvm Francis nvng rvzvng bøā we vmerigvn Dvmmvdaq Jubai tin nvng phone í dvman we shvngkà"

"Svrabyin Koqkvm Francis nvng rvzvng bøā we vmerigvn Dvmmvdaq Jubai tin nvng phone í dvman we shvngkà" 

Vatican Shvngkà dvp dvnúngshúpè Matteo Brunií Svrabyin Koqkvm Francis nvng rvzvng bøā we vmerigvn Dvmmvdaq Jubai tin nvng vlēāmi we lvban (4) ni taq phone kèní vtoq-vtip bøì we svng shvdøng bøā we íe. Svrabyin Koqkvm nvng phone taq kèní Kà dvmvnbøì mèpvng vmerigvn Catholic svrado gvbarì taq kèní gø phone í vtoq-vtip nø shvgun we svng gø vtōshì lún bøā we íe.

Pàwálvm wanì Jubai tin nø vmerigvn Dvmmvdaq mvshøl taq Catholic Shvngømré kèní rvzvngshi we vnípè wa pè íe. Àng vzvngkaq John Epgnedi vl yàngì. Lounges Gaichuk sasvnaò, sasvna angkangpè svrado Matteo Bruni ínø lutshìlunlvm ìshøt rvt Gvray kaq oqā íē. Yà rvtø nø móngdvn mongzøl lvm dvpvt nøngmaqò móngdvn øp shú shaqrérì tiqnønt tiqmùng vrāshi lvm nvng vsvng mvmè dvpvt shvlá we vjú wálunlvm dāng yalòng kønmvng rvzvng we taq gø vmerigvn móngzøngcerì luq we íe. Shvngømré ku íni gø, vmerigvn móngzøngce kù iní gø nvmlat wa vdù lòng wálunlvm gvzà Vchvk ngè.

Nøngmaq nø vkangpè Yesu mèpvng cvni we rvzvngcerí íshàe. Angò shóngnønt svng nøngmaq cunshàí we Lvpat taq dvdam nø dvtvn lúnlvm, Gvray móngdvn Mongzøl long nø rvgaqtøm taq shvzønglvm rvt íe. Dènilā vmerigvn móng mvshøl taq Catholicrìí Mongzøl lòng wà lúnlvm, angnì àngnvm nønt vjøng v-lvm, tiqgø nvng tiqgø vpø kelvm, móngdvn svng Shóngshi we nønt v-lvm nø vjúrøt rà we dāng, vmerigvn móngdvn svng ròqgar we chomyo vjøng Gvray àngmè Maria taq kèní tiqdvtvng vjúrøt dvpvng we jèjú lúnlvm, we mvdvmø nøngmaqí wàra we bvnlì dang vrvm tiqdø wá lúnlvm rvt singral nønt vl-rà we dang, Yalòng nø vmerigvn móng svng nvmlat dvbushang sasvna bvnlì wá yàngàrì nvng Vmerigvn móngdvn svng shvrot yàngarìo mvnggá yøpnáng íwe dang, Vmerigvn móngdvn nø gvrayí ròqgar we móngdvn, Sher we Gvrayí zì we vsvng tiqgøò gønshaq svng ròqgar we móngdvn,Shvngømré vlún vkvng vmàqkānchvtzì we móngdvn gø íē wanø angò kàrù léga gøm taq vrūò nø shvrí bøā we svng shálúnshìe.