Synod lìpùngmè svng dìlvm íwe vsvng shìpvn Vatican kèní dvtú ráà we

Synod lìpùngmè svng dìlvm íwe vsvng shìpvn Vatican kèní dvtú ráà we

Shvngømré mvshøl taq nvmlat wáshì lvm íwe nvmlat boq ò shvngømré lìpùngmè kaq svng shvngømré vsvng rì kèní svmarérì nvng lvngàré rì shvngbe kaq svng mé záng vdu rawe bvnlì ciqrì taq mé záng lúnwe vko vkáng zíbøà wegø íe.

Vatican kèní gø October shvlá taq wàlvm íwe Synod lìpùngmè svng dìlvm íwe vsvng shìpvn shvngbe svng vtàn lú:ngà we íe. We vsvng shìpvn taq Cardinal rì College rì yángkèní zùng màngrì, dvshà vsvngrì dvpat bvnlì waā we vsvngrì, mòngkà paqzí vdèrì nvng nøtcun paqzí vdèrì gø vbáwe íe.

Welòng shìpvng ku Synod svng dìlvm íwe vsvng gorø 400 rvzé vlwe ínø svmarérì gø 70 gø rvzé vbáwe íe.

Welòng taq mvdøng vbáwe vsvngrì nø shòlaqré rì íe.werì yvngkèní 50 gø nø Svrabín koqkámpè Francis í rvcang bøà we vsvngrì íe.wewq mvtaq American móngdàn dvpat rvcangshì bøì we Cardinal McElroy gøvbáe.

Synod dvpat gvsa wáshì rì nø 1 shvlá naqhøq Rome taq vlnø we lìpùngmè svng vbá lvm dvgøshì wegø íe.