"Tì, mv-vl nìnø vsvt súnshì lvm mvbøn we íe wanø Svràbin koqkám pèì shønò we shvngka

"Tì, mv-vl nìnø vsvt súnshì lvm mvbøn we íe wanø Svràbin koqkám pèì shønò we shvngka"

 Thursday, November 12, 2020

Tì, mv-vl nìnø vsvt súnshì lvm mvbøn wanø Svràbin koqkám pèì shønbøa we íe. Vle á:mì Lvbán nìtaq ltaly Móngdan yáng vlwe Svrado gvbàrìí Tì nvng sing we svng roq gal nø dvzømlvm nvng sing we tvra dang vra Shì aqmì we dang taq Svràbin koqkám pè Francis gø vbá ráì we íe. Kadø íe wanì vsvng shángbe dvpvt ma-vl mvdaq we íe. Italy Móngdan taq nøng vrvm November (8) yaq taq kà vgò tiq pvnpvn rvsvng dvngí vmat dayaq ang nì byo waò we íe. Wedø waòwe pyo rì kaqsvng Italy Móngdan Cotholic Svrado gvba rìínø nvgùng zìwe íe. Ya nxngla taq " Tìnø mòngkàn rvgaqò shvmánjèjú tiqpvn íe” wá shxn vdū we íe. Tì nø nvmlat Gvrvy ízì we kønpaq íe. Kòná rvmá wawe vsvng rì dvpvt nvng tiqrá vl rà we gø íe. Móngdan vsvng vram nø rvmá washì we rvt nø wa vl lún Shìwe íe. Wedø írvt tasvng dvle vzøm kewe tiq tvrã íe.

Covid-19 rvtnø mòngàn rvgvq vrvm taq Wurlaq bvnlì shángbe nalò høq yvk we kaqsvng nøt mvbyo we íe wae. Svràbin koqkám pè ínø Angelus vjú røt dvngí shønò we taq 'Tìnø katvmlvm dang taq ang shaq íe. Sún Shì lvm dang gø mv-vl mvdaq vchvk we íe, wanø shønò dángí, Mòngkan mvdvmø vlwe wamà mvring rvgaq vrvm taq vlwe vsvng shángbe dvpvt vchvk we íe. Yat we vsvng vram dvpvt gø Vjú røt dvbvng we íe, wanø shønbøa we íe.