Taímóngdan Catholic shvngømré me i Covid 19 zønlì yóga zā vsvngrì kaq dvbvng wē Shvngkà

Taímóngdan Catholic shvngømré me i Covid 19 zønlì yóga zā vsvngrì kaq dvbvng wē Shvngkà
*******************************

Taímóngdan taq vl we Catholic Sasvna rì nvng Sasvna vdòngø vl we Modo rì svng Covid (19) zønlì yóga zā vsvngrì kaq svng dvbvngshi lvm dvpvt, Lvjangà nø vllvm shvrà chømrì, yvng lvm chømrì, cì ròng chømrì tiqlangcè dvpvt wàbøā we íe. Nvmshvr Tìnī Asia dvpvt wurlaq bvnlì dang shvra vbóng vduk we Bangkok Gaíchuk Sasvna taqkèní yà shvlá (6) nī kèní yøpjà:m (630) záng we chøm me tiqlòng svng Covid 19 zønlì yóga bá màbá yvnglvm chøm Ku vsuyaqí gø vmíng vkvng zí bøā we íē. ‘Vsvngrì téwa yvk dvshasha, shóngnønt, dvshá za weí dvtit dvlé lvm gvzà vchvk ngè wanø Bangkok Gaíchuk Sasvnaò cardinal Francis sèvìyā [Kovithavanich] í Catholic shvngømré Shvngkà dvp tiqlòng íwe Licas Shvngkà dvp svng shøn bøā we íē.

Vmíng vkvng zí nø poq bøā we lipong taq cardinal í zønlì dvjáng gvba yalòng nø nøngmaq shvngbe dvpvt shiwvt ríā lòng íe. Téwá nø dvsharì, gòng we Gvmsùng màdá rì, laqni dvsha nø bvnlì màdá rì, vlømshi ra bvtut màdá rì dvpvt gvzà yvk a:mi we íe. Vkangpè Yesuí nø Vsvng pvnrì shvngbe svng shú:ngè. Àngò lvmboqrì íwe nøngmaq gø yalòng zønlì vhømì we nøngmaq nvng Nøngmaqò shóngnønt svng dvtit dvlé mvyø we nønt vllvm lòng svng KVM we dang, zønlì vkøn we rvtø shvlá mvmè vdòng Taímóngdan taq vl we Catholic Sasvna taqkèní gvzà dvshá vhømò we mvdòrì, téwa nø shiqshan lvm mà-vl we Døngku, vgvm cì tūā we shvràrì ku mvsvtā nø lvng bøā we íē.

Bangkok myoqdō me taq Most Holy Redeemer, or Redemptorists (Sher we chutchvng angkang) mvdò svng Malta mvdò nvng bóng nø Covid (19) zønlì yóga zā vsvngrì kaq svng lvjangà we íē. Most Holy Redeemer mvdò kvyaì cì ròng taq Covid bá màbá zit we, cì pvnrì nvng lánglvm pvnrì zi we wà bøà we íe. Zàbèlyiyvn Sasvna mvdòrì taqkèní gø myoq vdòngø vl we dvsháhotrì kaq svng vmlvm pvnrì gvrvnā we nvng lotdown rvtø vdòngø dvgøshì ra kvyuqnā yītdā rì svng gø poq nø vtōā bøì we íe.

Bangkok Gaíchuk cardinal nø (6/8/2021) nī taq Surasak Charoensirichot vsong svng yøpjàm (630) lòng záng we zā vsvngrì gvllvm shvrà ku Nakorn Pathom byīnē vsuyaqí lánglvm zí bøā we íē. Cardinalò jèjú rvt ' Aw pvlèqs' mvdò ígø mvring rì kaq Vmlvm aqlvm rì vlu zíshì bøì we íe. Nøngmaqò Sasvna vdòng mvring taq dvsha vsvngrì nvng mvsing dø nøngmaq vl mvdaq. Dvbvng lvm, rà vchvk rì kaq svng mvturi lá nø dvbvngshì ràe. Téwá nø lvpat gøngzølráì we shaqré shaqtàngri, cvmrérì kaq svng mà-dvbvng mà-shvla dvbvngshi ràe. Pàwálvm wani àngmaq taq téwa bøn sháòe wanø Upvlòqs' mvdò Fr. June Ongart i pønòe. Vshvt shvlá (9) nī nø Covid 19 zønlì rvt shì Vsvng (149) gø ínø, yóga vbá we Vsvng (19603) gø íwe dang, yalòng nø vlē a:mi we (24) nayi rvtø vdòng taq dvkvngò lòng íe. vlē a:mi we nøng kèní Covid zønlì yóga zā Vsvngrì shvngbe (776108) gø ínø, banà:mì we Vsvng nø shvngbe (555334) gø í a mi wanø mvtdán mvzøng bøā we íē.
Ref: CNA
#RVARvwang #RVAPastoralcare #ThaiCatholic #covid19Thai #RVANews