"Tasvng tale angní àngnvm dø vpø nø vtoq-vtip ràe wanø Svrabyin Koqkvmí Francisí shøno we kà"

"Tasvng tale angní àngnvm dø vpø nø vtoq-vtip ràe wanø Svrabyin Koqkvmí Francisí shøno we kà"

Byintin móngdvn, Nice myoq Noqngøm chøm vdòng vjùrøt rvtnø wàò dvgvp shvm lv'ngshì we tiqmvdoí gvsat we dang svràbyin Koqkvmí tabøa.yalong gvsat we bvnlì nø Vsvng nønt mvzvng we naqciqriq we bvnlì íe.

Vatican ò shønlvm vming vkvng vl pè shøn we taq yàdø naqciqriq we nvng gvsat we bvnlìrì svng kadvgvp gø vto mvdàq we dang, Svrabyin Koqkvmí gø yalòng nø jøngjø'ng ni shvre dvkut we bøn a:mi, shvre nø nøntcvm we shvngømrérì nvng tiqdø v-lì we dang, shvtvhøm bøā we àngmaqò pvlace nvng døngku vsvngrì dvpvt gø vjúrøt dvpvng we dang, naqciqriq we àngmaqò dvrá gø watwat vmvnglvm rvt , nøngmaq vdòng tasvng tale angní àngnvm vtop-vtip we nønt vl lvm, ngøtshà Ku mà-dvdut kelvm, wekvt wa shú:ngshi we Byintin mongzøngcerì taq kèní vrv'm vrá nø wa mà-shvla we banchvtrì svng dvsher lúnlvm ílongè.

Byintin móngdvn svrado gvbà àngké mvdò kèní, vkvt dø gvzà Vchvk v-mi we rvtø taq angní àngnvm jønggvp nønt ni shøl nø tubum wē nø shvre dvkut we bvnlíri taq kèní gar lúnshì lòng íe wàe. Nice myoq taq vl we svradopè í myoq vdòng taq vl we noqngøm chømrì nar lvm rvt kà dvkvngbøà,vkvt dø tiqdvr vsvngrì mvdvm mvrézā shóngnønt mà-vl we naqciqriq we laqyàrì svng vkangpè Yesuo chutchvng wē shóngnøntni jór leqlun nøng, wa nø shøn bøā we íē. Yà rvtø taq nø noqngøm chømrì svng yérìí vsongò we svng shálún shìe.