Vatican asúyaq kèní dvshà mvhoq we dang svng mvngãn lvm tvnùngvtnàwe shvngkà

Vatican asúyaq mòngàn rapdoq svng mòngàn móngdànrì taq dvshà mvhoq we dang svng agámlvm dvkámòwe kàru dangbøa mèpvng vm:aq lvm dang taq yakwe vsvng luqmàn shìráì wanø gun dvtøp bøa. Mòngàn taq mòngzøl lvm, vrám vrálvm nvng vdu vbóngwe dvrárì vdòng vl lúnlvm dvzaq shìràe.

Wedø mø:íni vzivrùng walvm bvnchvtrì téwa bunglvm ílonge wanø Monsignor Fernando Chica Arellanoí shøn bøa. UN vm:aq lvm nvng kvt:vm tvmø mvdò svng shvngømré bvnlì àngkàngrì taq kèní "nøngmaqnø dvshà vtang vnvm vchangrì kaqsvng tùbum mvlúnì, tiqni mvdàm tiqni luqmanshìe wanø shøn ráì.

FAO taqkèní 2020 nøng vdòng gùn dvtøp bøàwe taq vle vm:ìwe 2019 nøng taq vm:aq lvm dvshàwe vsvng 690 million gø vl bøì wanø tvnùng bøa. Coronavirus yóga zønlì vkøn we rvtø taq vm:aq lvm mvluq mvpøn kéòwe vsvng 83 kèní 132 million gø dángte vl we svng tvnùng bøa. 2030 nøng hoqshaq yadø íwe bvnchvtrì vgám lúnlvm tvrà mvyángshì shálún shìe.

#vaticannews

translate by: Gregory