"Vatican dvpvt Dominican dvm mvdaq móngdànò kønmvng angshvr da:ngò we Shvngkà"

"Vatican dvpvt Dominican dvm mvdaq móngdànò kønmvng angshvr da:ngò we Shvngkà"

==================================================================

    Luis Emilio Montalvo nø Vatican dvpvt Dominican dvm mvdaq móngdànò kønmvng angshvr íe.  Móngdàn Kønmvngpe nø vle a:mi we rvtø taq Argentina móngdàn dvpvt kønmvng tiqpè ku bvnlì dvnungò dvgvp svrabín koqkvm Francisí Buenos Aires Gaíchuk svrado ku nvmlat baq vhøm bøì we íe.Ya baq nø Gaíchuk svrado ku mø-í nø Catholic Sasvna me tiqlòng svng dvnung lvm svrabín ku tiqkvt vhøm bøì. We vzvng kaq gø vhøm bøì, àng nøng mvmè vlé bøì we vrá tiqbaq vkvt dø vhøm lún rvt svrabín koqkvmpè Francisí mvmèce nøng vhøm mà-lún bøì Vkvt dø vhøm lúnì rvt gvzà Oqā wanø dvbù nøntni vtō nø shøn bøā we íē. 

    Móngdàn kvsa kønmvng angshvr nø nønt dang nvng singdø svrawun ínø, Cì Paqzí mv-køm mv-dup mvmè vl we tiqpè gø íe. Svrabín koqkvmpè kaq Vpø nøntni vhøm nø dì lòngí dvgvp Vatican nvng singdø mv-køm mv-dup vrūshaq íwe Kàru bok svng gø kømpaq ku zí bøā we íē. Yalòng dvzvng Kàruri nø (2013-2021) nøng vdòngø bvnlì ri we svrabín koqkvmpè Francisò lvpat mvshøl dang íe.

    Kàru bokò Kà vgorì svng Svrabin Koqkvmpè Francisò shvla lòng èshøn èmà? wā nø zíòe. Svrabín koqkvmpè Francis ígø àng dvpvt mvsvt døngzvt ku wàò we còy byá nvng àngì vrùò we vchvk we Kàru bokrì svng Kømpaq ku zí bøā we íē. We mèpvng Svrabin Koqkvmpè Francis nø móngdàn kønmvngpeò chøm døngku nvng tiqdø àng móngdàn dvpvt vjúrøt dvbvng bøā. móngdàn kønmvngpe ku àng mvtuq we vzv'ng kaq bvnlì ríbøì nø, àngde móngdàn kaq svng lōa mì we kønmvng ànglípe Eunisis Vasquez í wàò bvnlì mvtúrì svng zvndvttut dvnung lvm íbøì.