"Vatican kèní Cardinal angsher dang lv'm rvt dvgø Shaq í bøì Shvngkà"

"Vatican kèní Cardinal angsher dang lv'm rvt dvgø Shaq í bøì Shvngkà"

November (28) ni taq Cardinal angsher (13) gø svng Cardinal Vyà zì lv'm rvt dvlú dvgøShaq í bøì. Cardinal Vyà dvgúngshì we vjúrøt lìpong svng Roma móngò dørøm rvtø (4:00) dvm taq wàlvm í bøì. Shiqshan dāng nvng singdø tiqdvchá dì rì shvngbè nø Nonggøp wamshi ràe.

Tong vldø tiqdvchá yalòng Missa Noqngøm lvmvng tiqyø svng Altar of the Confession (ဝန်ခံခြင်းပလ္လင်) taq wà bøā we íni gø yàpoq nø Altar of the Chair of st. Peter noqngøm Wang taq wàlvm í bøì. V køn we Covid 19 Zønlì vsher we kèní vgámlvm noqngøm rvtø taq Cardinal rìò àngnvm angchvngrì, màbá mà-daq rì Vgōrø mvsatnò we taq wàlvm í bøì. Cardinal angsher tiqpè taq kèní zaqle (10) gø wà golun shìe, mvsat bøā we íe. Yalòng lvmvng tiqyø lìpong taq Cardinal angsher 13 gø shìpvn taq vbá nigø (11) gø wà lūmlvm vl we svng shálún shìe. Barunai móngdvn kèní Cardinal angsher Cornelius Sim nvng Philippines kèní Cardinal angsher José Advincula nìnø yóga zønlì rvt di mv-lunò. angmaq nø Svrabyin Koqkvmò dvzvr taq kèní tiqdvtvng Cardinal vyà, wūr dvchøp nvng dvgúng zì we lemat kàrū zílvm ídaqe.

Cardinal Vyà angsher vtōshì bøí rì nø Doraq zungtaq Dvrá shvdik Shi we svràbyin Koqkvm Francisò" Àngké Shvngømrémèo Paqzí vdè pè vkupvkang" wà shvringo we svràbyin Koqkvm bvnlì taq kèní narshì bøì we Benetdat (16) svng dì nø tong vl dø tiqdvchà dvgúng zì we tiqyø wàlvm mà-wá lvm chat shìni mà-sháshì wàe, dvshvng bøā we íe.