"Vatican kèní dvsháhoq vhømorì dvpvt Covid 19 Zønlì vnà svng dvpø'mà-dá jipmāò we dang"

"Vatican kèní dvsháhoq vhømorì dvpvt Covid 19 Zønlì vnà svng dvpø'mà-dá jipmāò we dang"

Vatican vdòng St.peter Noqngøm Wang taq vllvm chøm mà-dá dvshá dvrē vhømo rì, dvshá hoqrì dvpvt Cìrong tiqlòng puqshì bøì. Dvshá dvrē vhømo rì nø Yànilā we lòng cigok yv'ng dvpø'mà-dá yóga zønlì jipshì we dang svng yvnglún shìe.

Yalòng nø tudaq we lvban kangpè angní taq wàlvm íwe mònggang dvshá hoqrìo angnì dvpvt pvngshì bøì we ínø wenì taq vllvm chøm mà-dá dvshá dvrē vhømo rì nvng Svrabyin Koqkvm Francis ní St. Piter Pāzílígá yvng Kàgvpnóng we Noqngøm rvtø vlē. Welong Missa noqngøm rvtø taq Vsvng 100 gø wā vtolvm íe wàe. Àngmaq nø mònggang taq dvshá dvrē vhømorì, dvshá hoqrì shvngbèo dvlé íē. Yalòng taq Vpnóng shìwe tiqmaq nvng Vlu zíshì we tiqmaq gø missa Noqngøm we taq vbá lvm ídaqe wanø tiqyø dvnúng shú íwe dvbushang Mongkà svng angsher Ku dvshàng shì we dang nvng singdø Svrabyin Koqkvm róng kōngzī kèní Gaichuk svrado gvbapè Rìnu kèní dvshàng bøā we íe.

Mónggang taq dvshá dvrē vhømo rì, dvshá hoqrìo angnì svng nøng vrvm November shvlá vdòng tiqni taq wáshì we vl-we svng Rome Reports Shvngkà kèní shálún shìe.