Vatican noqngøm tøm yvng hkrismas shøng nvng lòngzàpè Yesù chøm svng December (11) yaq taq kení dvcøp pvng lvm shvngkà.

Vatican noqngøm tøm yvng hkrismas shøng nvng lòngzàpè Yesù chøm svng December (11) yaq taq kení dvcøp pvng lvm shvngkà.

Vatican noqngøm tøm yvng hkrismas shøng nvng lòngzàpè Yesù chøm svng December (11) yaq taq kení dvcøp pvng lvm shvngkà.

Hkrismas shvlá nø tuq mvnshì ràì. Covid 19 yóga vkøn we ínìgø hkrismas rvtø taq byo we nvng nøt shøm lvm svng kãpvn ígø vgvr lvm mvlún Shìwe, ténø yarvtø taq kãdø ínìgø vgám lvm mvbøn we íe. Covid-19 vna mvbøn we rvtø nìdø byo byo wacè shángbe nvng vhøm lúnlvm rà vchvk we íe. Vkvt Vatican yvng walvm hkrismas boy gvbà nø vløm Shìwe, Kámnøt dang, shóngnøt dang, Døngkū nvng Kàngpè Yesu ínø angò bàshà rì yvng svng dìráìnø chut cháng lvm íe. Nøt shvløm lvm ídaq e. Tuq ráì December (11) nì dørùm (4:30) kení Covid vna zønlì mà vkøn lvm màsher lvm dvrá nvng tiqdø lòngzàpè Yesù chøm svng Italy móngdàn Castelli wamà kení vlu zang we íe. We wamà yvng nø jwi byá duk jvt vlnø, we wulaq bvnlì kaqsvng (16) yámvzuq kení wá pvngò we íe. Hkrismas Shøng tøng nø (28) meter vháng dángí, Slovenia móngdàn, Kočevje wamà kení íe. We lòng svng Cadinal Giuseppe Bertello nvng Svrado Fernando Vérgez Alzaga níí dvgø shìwe íe.

Svrabín koqkám pè Francis nvng vlu zang we ang kàng rì nvng gø vhøm shì nø vto shì bøì we íe. Lòngzàpè Yesù chøm svng jwi í wàò we ínø, " F.A. Grue" shøngni laqmù paqzí zùng Svràrì, zùng màngcè rìí tará dvcøp mò we íe. We zùng gvbà nø darì (1965-1975) nøng høq shv:ngøt nòwe tìyø dvlà rìtaq hkrismas nvng sing we tvrà dang wa shv:ngøt dángí design svng dvgøò we íe. St. Peter nøqngøm chøm wáng taq Lòngzàpè Yesù shøqò kaqsvng yáng lún lvm dvpvt hàng sømla (54) lòng nø yánglún lvm íe. Lòngzàpè Yesùò hàng sømlà waò we wamà taq (90) yawet svngnø shøng cá yo we kaqsvng yáng lún shìe. (Spruce) Shøng ang pvn pvn vlwe ínø Vchvk we Shvngømré bóy rì dvpvt zømdàng we rìsvng láng lún shìwe íe. We shøng tøng rìnø Urópa yáng nø vháng vtvng we íe.

Vháng rvm nø (6180)meter tángtè vháng we íe. We shøng lvpvt svng yàngò ke (300) nøng tángtè íye wanø shá lún shìe. Vatican yvng wàlám Lòngzàpè Yesù chøm nvng hkrismas shøng tøng rì svng nø (2021) nøng january (10) nì Kàngpè Yesu svng tìløp zíshú Svra Yohání tìløp zíò we boy angnì høq Vatican nøqngøm chøm wang yáng dvtvn gvl lvm íe, wae. Hkrismas rvtø nø we boy høq lvng døm írvt íe.

Add new comment

6 + 9 =