Vatican radio shvngkà dvshvng we 90 nøng gøm ráì bóy angni walvm íwe shvngkà

Vatican radio shvngkà dvshvng we 90 nøng gøm ráì bóy angni walvm íwe shvngkà

Vatican radio shvngkà dap svng Svrabín koqkámpè Pious (11) pè wapè taqkèní 1931 February 12 ni taq vjú røt shvmán yàngà we íe. We shvngkà dap svng poqpvng shì ráì we àng manggá nø mònggvn móngdàn vrvm taq vlwe svngpvn dvcìrì shvngbe nø gvray dvbùshvng mòngkà nvng Svrabín koqkám ò shvngøt dvtú we shvngkà rì svng tálú, vtoshì lúnlvm dvpat wawe manggá rìtaq poqpvng shì ráì we íe.

Yalòng radio shvngkà tìyø svng mvn ráà we nø Guglielmo Marconi taqkèní dvdam we laqmù tiqlòng íwe mvtaq àngnø we radio shvngkà tìyø svng wulaq bvnlì tiqlòng ku mán ráā pègø íe. Ya shvngkà tìyø svng we rvtø taq kèní 2017 nøng høqshaq Jesus shvrúng shú rì mvdò kèní shvngkà dvshvng bøà we íe.

Ya rvtø taq nø we shvngkà tìyø lòng dvshvng shìwe 90 nøng gøm ráì. Vatican Radio shvngkà dap kèní kàpvn 41 pvn kèní dvshvng shì we taq bat zìdang nvng vdu vbóng dø tiqni taq nari 24 dàm køp shvngkà dvshvng shìwe íe.

Yadang nvng sing nø tvnùng kàru taq yadø àngsé mvzuq nøng rì mvme shvngkà dvshvng shì ráì we bvnlì taq dvzøm shì bøì we vsvngrì nø móngdàn 69 móngdàn rì taqkèní ínø yadø wálún bøì we svng gvzà oqà walvm íwe, shvngkà tìyø dap àngò nvmlat tvnù mangárì màmang dø cvndvgøm nø dvzaqshì we, shvngømré nvng singwe, Gvray dvbùshvng mòngkà rì shvngøt dvtú we dangrì kømzøp dø dvshvng shì bøì we dang mònggvn vsvng shvngbe nø tiqnøt tiq mvyùng wáshì nø tasvng rvwìng we dang mvvl tùbum dvbangā kewe dang rì svng dvtan lún bøà we dang rì svng tvnùng bøà we íe.