"Vatican taq kvtlvm hkrismat shøngtøng tuq lòngì dāng"

"Vatican taq kvtlvm hkrismat shøngtøng tuq lòngì dāng"

Vatican taq vl we Shansherpè. Piter Noqngøm tøngnu wangø shvnvplvm hkrismat tingshú shøngtøng nø Roma myoq yv'ng tuqlòngì. Welong shøngtøng nø Slovenia Nvmshvr tipo lvp kèní íe. 7 dvn vl nø vsat (75) nøng vl we tìnshú shøngtøng gvbà svng vní poq wapoq monggvn mvjan dvngbøā kè kvtshì we shøngtøng íe. "Vatican nvng sing wē Slovenia Shvngkàdvp wunjipèí nø "Yà lòng shøngtøng nø Mongzøl we Lvpat pvngshì wē mvshel-para" íe wā shø:nòe.

Dènilā rvtø taq vháng kaq Mita (30) vl we tìnshú shøngtøng nø Slovenia móngdvn shanglut lúnò we (30) nøng vhøm bøì we mvsat dingsat svng gø dvnùshì we íe. Shvngkàdvp wunjipèí nø" Yalòng nø Slovenia móngdvn dvpvt ìshøt jèjú ínø vní baq wa baq Vatican Noqngøm tøm Wang dvpvt x'mast shøngtøng zí lúnshì rvt gvzà nøntshøm dvbù lvm rà íe" wanø shøn bøā. X'mast shøngtøng taq shvnvp shì bøì we svmi chàngrì svng gø December 11 nī kenì poq dvgá nø 2021 nøng, nøng shvr (10) ni høq Shansherpè. Piter noqngøm chøm Wang vdòng taq gvlvm íwe svng shálú shìe.