Vde Myanmar Mongdan yvng COVID 19 nvng za we Shvngka

Vde Myanmar Mongdan yvng CORONA VIRUS nvng za nx Angshvr Rvmshi we vsvng Mvvl we Shvngka

April 28, 2020 niqo Jvnmaye nvng Agvza Wunji Tanaq keni dvshvtno we shvngka yvng COVID 19 nvng za we vsvng Vde Mongdan yvng 146 gx i we svng shalun shie.

Yadx COVID nvng za we vsvng 146 gx i we long nx vlevmmi we April 26 niq hxq za we vsvng ri i rvt nx, COVID nvng za ri vsvng Angshvr mvyvngshi we 3 niq i bx we ie.

Ya rvtx hxq vde Mongdan yvng COVID nvng shivmmi ri shvngbe 5 gx i nx, bvn we ri 16 gx keni 9 yoq nx vde chxm svng lovmmi we svng gx shalun shie.

Vra nx Rvgaq Mongdan vrvm yvng, COVID 19 nvng za we vsvng shvngbe 2.992.970 i nx, shivmmi we ri 207,518 ie. COVID yoga keni bvn we ri nx 876,043 gx i we svng shalun shie.

Rvgaq vrvm yvng COVID nvng tewa za nx, shiri vl we Mongdan nx Uroba Mongdan keni i nx, America, Italy, Bindit Mongdan ri i we svng Social Midea Shvngka ri keni shalun shie.