Vháng mvn Shìwe móngdàn rìtaq nøng vram Cvmré koqnìcèrì vní wàn ján dángtè vjú mvl dø shøqò we shvngkà.

Vháng mvn Shìwe móngdàn rìtaq nøng vram Cvmré koqnìcèrì vní wàn ján dángtè vjú mvl dø shøqò we shvngkà.
Vháng mvn Shìwe móngdàn rìtaq nøng vram Cvmré koqnìcèrì vní wàn ján dángtè vjú mvl dø shøqò we shvngkà.

Unicef nvng mòngàn shìqshvn dvp mvdò (WHO) rìí gún dvtopò we 2019 nøng taq Cvmré koqnìcè vní wàn ján dángtè nø vshí shaq shøqò we kaqsvng shalún shì we íe. We Cvmré góng írìnø dvshà we móngdàn rì yvng kení íe.

Coruna vnà zìnlì rvt lockdown waò we rvtø vdòng taq shìwe vsvng gvzá loqwe íe. " Vyé mvláò we mòngàn kot Cvmré gvlò we ” tvrà kaqsvng gún dvtùp mòke yvng shì bøìwe Cvmrérìò (84) yawet nø Vháng mvn Shìwe móngdàn rìtaq kení ie.

Wedø gún dvtùpmò we taq cvmré góng írvtø shìwe rìnvng Cvmré shaqyøqò we rvtø shìwe vsvng rì dvpvt zømdvng we íe. ( 16 ) cescet vram taq angmèò pvwá rám tiqgø dangtè shìwe kaqsvng shalún shìwe íe. Wedø shìwe vsvng té mvlòng tiqkà nø rvgaq mvgòng móng dégan daraq, Africa nvng Asian dvhø rám rvgaq rìyáng té bønwe íe. Vháng ámì Urupa, Australia nvng America thaiyt rvgaq rìyáng nø (6) yawet dángtè wa Shìwe kaqsvng yáng lún shìè.

Cvmré shayøq we rvtø taq shìwe (40) yawet nø vgam lvm, cì,lvjáng ãlvm nvng shìqshvn we tvrà rìkaqsvng mvsing mvrvlò rvt gø íe. Nipaul móngdàn taq vlwe Cìrúng gvbà (9) yvngsvng August shvlá vdòng gún dvtùpmò kenø Covid-19 Vnà zìnlì yóga gvbà rvt téshì we kaqsvng yvng lúnshìwe íe.

Mach shvlá vdòng taq Cvmré góng íwe (1000) gøtaq (14) yawet Shìwe ínìgø mach shvlá pélap zang lockdown waòwe rvtø taqnø (1000) kení (21) gø dángtè høq shìwe kaqsvng shálún shìè.

 
 

Add new comment

2 + 5 =