Vsháng 4:00 nāyi rvtø Vkangpè Kagvp missa svng noqngøm lvm kungshì lúngì we Naijíríyá svradōpè (101) nøng nøng vhøm we Shvngkà

Vsháng 4:00 nāyi rvtø Vkangpè Kagvp missa svng noqngøm lvm kungshì lúngì we Naijíríyá svradōpè (101) nøng nøng vhøm we Shvngkà

Naijíríyá móngdàn, Edo byinē,Auchi Sasvna kèní Catholic rvzvngce rì nø vle a:mi we February 12 nī taq svrado ( tv'nglí) Thomas Olegheò (101) nøng nøngvhøm shøq àngnī svng wàā bøā.
Svradopè nø Naijíríyá móngdàn taqø lvpat té vtvng Gvray bvnlì taqø dvzaqshì we tiqpè ínø, àng nø pvlàcè tvrà taq gvzà kūngà shaq vl we dang, Svradopè lvpat kèní nøntløm dø Gvray bvnlì taq dvzaqshì rvt gvzà shvgùn shvring vpø' vtùe wanø shvrúngshú rì taqkèní gø shøn bøā we íē.

Svradopè nø vkvt rvtø taq íni gø vsháng (4) nāyi taq yup ra kèní kungshì lúnò nø, àngò vjúrøt kà rì, Kagvp missa noqngøm rvtø rì svng wàò nø dørøm 4:00 nāyi rvtø vrvm taqgø rosary (4) lòng svng rø'ò nø vjúrøt we dang, Gvzà nøntshøm dvbù lún rà íwe dang, vkvt dø lvpat yvnggú:ng cúnshì lòng nø Vkangpèò dvkvmkà íwe Mongkà nvng Pvlàcè vdòng dvzømshì gø' ínø lvpat yvnggúg cúnshì lún we nvng shiqshanlvm dang taqgø ìshøt jèjúrì vtoshì lúnlvm vl we dang, Gvray vdòngø cìpshì we dvzømshú ílun rvt dvbù nøntshøm lún we dang nvng vpø shvring weí vjúrøt dvbvng bøā we íē.