Waimaw San Joseph  Catholic Noqngøm Wang kèní shvrúngshúrìò chøm dvchvn dvnvn svmií vkat a:mì Shvngkà

Waimaw San Joseph  Catholic Noqngøm Wang kèní shvrúngshúrìò chøm dvchvn dvnvn svmií vkat a:mì Shvngkà

Myitkyina Svrado Sasvna, Waimaw myoq wál (2)vní taq vl we San Joseph Catholic Noqngøm Wang kèní shvrúngshúrìò chøm nø ( 28.2.2023 ) yaq (11:00 pm ) rvtø dvgvp dvchvn dvnvn svmií vkatá:mì we svng shálún shìe.
Svmií vkat we rvtø nø Vsvng shvngbe yøpbyō we rvtø írvt svmimaq màlún we nvng dvrerì gø tøl màlún bø'ì wā shvrúngshúpè nvng shvnvp shvrúngshúpè ní taqkèní vkvtdø shønò yv'ngkèní shálún shìe. Svmi vkat pvngshì lúngì dang nø vpmà køtchøm dvtsvmi yv'ngkèní vkat pvngshì lúngì wàe.

Yanila taqø nítvp we shvngømré rvzvngcerì dì nø dvshàn dvsherò we nvng Vsháng gá lúngì dvgvp Myitkyina kèní shvrúngshúrì dì nø vjúrøt dvbvng weí shvmán bø'à.

Vrá nø Shvngkà svng tálún bøā we shvngømré rvzvngcerì tiqmaq, Myitkyina Karuna (KMSS), Waimaw gwørwang KBC shvngømré gønjòq nvng vlu àngkang rì gø dì nø nònggùn zí weí dvbvng shì bø'ì we svng shálún shìe.

Vrúm vcar rvgaq kèní Shvngkà tá èlú:nøngwe vnvmchvng rìí gø Gvray shóngnønt taqkèní tùbùm dvbàng lúnshìe. ( 1.3.2023 )