" X'mast boy wàlvm rvtø tvyø svng yóga zønlì rvt Vatican kèní língbøā shvngkà"

" X'mast boy wàlvm rvtø tvyø svng yóga zønlì rvt Vatican kèní língbøā shvngkà"

Nøng rvm wáshì we Vaticanò x'mast boy rvtø tvyø taq mònggang Vnā Zønlì rvt tiqmaq língshì we svng wáshì bøì we íe. Tòng vl dø tiqdvchà X'mast yaqdøng noqngøm missa svng Roma myoqò rvtø dørøm (9:30) vdòng taq noqngøm nø vjúrøt we íni gø dènilāo dvjà rvt Roma móngò dørøm (7:30 pm ) rvtø taq wàlvm í bøì. X'mast yaq taq Shansherpè. Pāzílígáò noqngøm wangtøm taq kèní svràbyin Koqkvm nø " Urbiet Orbi" wā tøò we Roma myoq nvng mònggang døngtvng shvngbe svng Shvmvnāe we vlē.

Dènøng vdòng vm-aq vnvnshì we lvngdøm cúnboy nì taq shvmvn jèjú zì dø tiqdvchà Shansherpè. Piter Pāzílígá noqngøm wangtøm vdòng taqwà Roma myoqò dørøm rvtø (12 pm ) nārī taq shvmvn dvgøng nø shvmvn jèjú shvl ang nø zílvm ídaqe. December (31) ni taq gø vkvt dø dvnúnglvm ínø tiqnøng vdòng taq lúnshì we jèjú ìshøtrì dvpvt oqā wàwe mvdvm Roma myoqò dørøm rvtø 5 nārī taq wàlvm í bøì.

Gvrayò àngme boy nvng mònggang døngtvng mongzøl lvm angnì nvng rvtø angnì vbóng we (2021) nøng dvpvt nvmlat Noqngøm we Missa kàgvp svng Roma myoqò vsháng rvtø (10) nārī taq noqngøm lvm í ā:mi. Mvdvmø dvtvnshì bøì we tvyø rì svng àngwa mvdvmø shvyùm we í wàlvm í nø Shiqshan tvrà nvng vtù dø, social distancing wanø maskrìí nonggup wūmshi we í dvnúng nø wàlvm í bøì wē svng shálun shìe.