Yangon Catholic shvngømré angké rúng taq kèní dvzømshú shvnvm svrado (လက်ထောက်ဆရာတော်) tiqgø lúnbøà we shvngkà

Yangon Catholic shvngømré angké rúng taq kèní dvzømshú shvnvm svrado (လက်ထောက်ဆရာတော်) tiqgø lúnbøà we shvngkà

10.11.2020 ni dørøm 5:30 PM taq Myanmar móngdàn Yangon Catholic shvngømré angké rúng taq kèní Msgr. Noel Saw No Aye kaq svng Svrabín koqkámpè Francisí dvkám we dø tiqdvchá dvzømshú shvnvm svrado vya scng dangbøà wanø Vatican gvsa róng Bangkok kèní vring bøà we íe. Svrado Saw Noel Saw No Aye ò lvpat mvshøl Fr. Noel Saw nø 1969 February 14 ni Yangon gøwrwang, Daykjí wamà taq shøq yàngà.Angpèní angmè nø U Jokím nvng Románá Daw Ngwi Hlai íe. Msgr. Noel Saw No Aye nø mvdàm dvtàng vsúyaq paqzí zùng svng အထက(၆) Yangon nvng အထက(၄) ပဲခူး myoqrì taq cvnshì yàngì nø ရန်ကုန် တက္ကသိုလ် taq Psychology í zùng dáng yàngà. Wemè pvng shvrúng shú jau zùng Byi Oo Lwin svng gòng nø Philosophy, Yangon taq Theology paqzí rì cvnshì bøì mèpvng 2000 nøng nvng 2002 nøng dvhø American móngdàn New York taq dvtut Gvray paqzí cvnshì yàngì we íe. Angnø 1995 nøng March 18 ni taq shvrúng shú jau vya svng Yangon St. Mary Cathedral taq kámshì yàngì nø Yangon, Gáydung, Molvmyay nvng Yangon shvngømré angké rúng rìtaq 2007 nøng høqshaq shvrúng shú bvnlì svng ríyàngà we íe. Yangon Catholic shvngømré angké rúng taq bvnlì angkàng nvng paqzí tìyø (PSIE) taq bvnlì vgo 2007 nøng høqshaq wáshì bøì mèpvng Yangon Hlai Daya taq shvrúng shú jau vya nvng zìlàngré rìò paqzí dang nvng singwe Commission taq bvnlì shølshú wáshì bøì we gø íe. We mèpvng Yangon Catholic shvngømré angké rúng ò pøzá súngshú bvnlì nvng (CBCM-ECE) coordinator bvnlì svng dèni la høqshaq wáshì pègø íe. 2020.11.10 ni taqnø Svrabín koqkámpè Francis ò tvtúvtnà wedø tiqdvchá Msgr. Noel Saw No Aye svng Yangon Catholic shvngømré angké rúng ò dvzømshú shvnvm (လက်ထောက်ဆရာတော်) vya svng dangà bøà we svng vrìng vtnà.

#congratulations to Rve.Msgr. Noel Saw No Aye Auxiliary Bishop of Archdiocese of Yangon Source:CBCM-OSC