Yedashe myuqne taq vrubok svdik tòvtnà we modo mvdàm mvløt svmií vkvt nø svmaré tiqmè shì bǿì we Shvngka.

Yedashe myuqne taq vrubok svdik tòvtnà we modo mvdàm mvløt svmií vkvt nø svmaré tiqmè shì bǿì we Shvngka.

Bvgó móngwv́l Yedashe myuqne vdòng Yangon-Mandalay tvrà mvdàmø April shvlá 27 ni vsháng 7 nari rvtø̀ bø̀n bǿì we dang Myanmar móng sv̀ngpv̀n dvsháza mvdò nvng Mídat ràlàng dvp kèní dvtú-vtnà. 
Yangon-Mandalay tvrà mvdàø vrubok svdikrì tòvtnà we Faw modo nø Mile tvróng 180/3 zàng taq mvløt svmi rat modo vkvt we bø̀n bǿì we shv̀ngkà dvtúvtnà.

Welòng svmi vkvt we dang Yedashe myuqne Mídat ràlàng dvp nvng sv̀ngpv̀n dvsháza mvdò kèní vsháng 8 nari taq svmi shvmaqā lún bǿà. We modo mvdàmø zv̀nráì we svmaré 2 gǿ yv́ngkèní tiqgǿ nø modo mvdàm kèní lashì werat shìbǿì we dang shálún shìe.
“modo vgo zàngø zànwe tiqgǿ yv́ngkèní mvløt svmi vlavtnà wekvt welòng svmi nø modo mvdàmø tòvtnà we vrubok mvdàm vjanø̀ svmi vkvt bǿì wegø íe. We modo taq zv̀nráì we svmaré 2 gǿ kèní vsvk 17 nǿng íwe tiqmè nø svrenøtí modo mvdàm kèní lashì werat we shvrà taqøni vsvk cǿm bǿì we íe.” Wanø we shvrà taq dvbangshì we tiqgǿí vtàn lú:ngà. 
We shvrà taq vsvk cǿm bǿì we svmaré mè ò shagóng vnvng svng sv̀ngpv̀n dvsháza mvdò taqkèní Yesashe myuq móng vsvng cìróng kaq toò nø shvle bǿà wedang shálún shìe.

Add new comment

5 + 6 =