zønlì vkøn we rat dvbùshvng zaqlè diwe tvrà mv-vl bøì we 1 nøng gøm ráì mèpvng nvmlat boq dvbùshvng tvrà dìlvm svng Svrabín koqkámpè Francisí vrìngvt nàwe

Covid 19 yóga zønlì vkøn we rat dvbùshvng zaqlè diwe tvrà mv-vl bøì we 1 nøng gøm ráì mèpvng nvmlat boq dvbùshvng tvrà dìlvm svng Svrabín koqkámpè Francisí vrìngvt nàwe

Svrabín koqkámpè Francis nø tuqrawe 2021 nøng March 5-8 dvhø taq Iraq móngdàn svng zaqlèwàng dìlvm íe wanø Vatican kèní dvrá shvng vrìngvtnà. Svrabín koqkámpè nø 2019 nøng kèní we rvgaq svng dìlvm dvgø shìshaq íwe zønlì dvjáng ratnø nvr vdu bøì we íe.

Svrabín koqkámpè Francis taq kèní Baghdad, Erbil, Qaraqosh nvng ISIS mvdò rìí mvrà mv-vl vsvng angyá rvzégø svng shat bøà we Mosul myoq svng dìlvm íwe svng shálún shìe.

Svrabín koqkámpè Francis nø Abraham gvl yàngà rvgaq íwe Ur wa tøò we darì myoq svng dìnø Svrabín koqkámpè John Paul 2 pèí gvl ráà we bvnlì mvtú svng vrá dvtut wàlvm dvdam shìe wanø shálún shìe.

Yalòng zaqlè tvrà nø zønli dvjáng vkøn bøì mèpvng nvmlat diwe dvbùshvng zaqlè tvrà ílonge wanø vrìngvtnà. Welòng tvrà dvpat ràwe dangrì taq yanila kèní dvgøshìe wanø Vatican shvngkà dvp kèní vrìng bøà.