Zùng poq pv:ngò we Misa nvng tiqsé dán Aung we zùngmang rìsvng dvbū shvrì:ngò we shvngkà.

Zùng poq pv:ngò we Misa nvng tiqsé dán Aung we zùngmang rìsvng dvbū shvrì:ngò we shvngkà.

(2021-2022) nøngò paqzí rvtø, Mai Ja Yang taq zùng lùng lvm zùng màng rì dvpvt, Misa kà gvp nóng vjú røt ripòng nvng 2020 nøng taq tiqsé dán

Aung bøì we zùng mang rìsvng kømpaq zíò nø shvrì:ngòwe svng Mai Ja Yang wamà St. Pio Svra setion taq 12/ 6/ 2021 lebán (6) nì taq waò svng

shálún shìwe íe.

Kàgvp nóng misa vjú røt rìpòng svng gwrwang øpshú Fr. Paul LaHpai Awng Dang nvng Fr. Luka Hpa Shan Lum níí nó:ngò nø Mai Ja Yang vtet dán

mvdvm zùng øpmè Svra gvbà Ga Sha Lu Mai ígø zùng mangrì svng Zùnglùng we rvtø taq cvndøng rawe dang rì svng nunggùn zíkà shøn bøà we íe.

 We rìpòng taq zùngmang rì (300) ján kømzøp ráínø (2020-2021) pàqzí cvnshì we rvtø taq (10) dán awng bøì we zùngmang (7) gø svng kømpaq nvng

shvrìng lún bøà we íe wanø Teresa Ah Bu í shønò wervt shálún shìe.