Àngsvp nvng àngshí svng zìku láng shvla we kankashí

Àngsvp nvng àngshí svng zìku láng shvla we kankashí (ကြက်ဟင်းခါးသီး) dvng tvtit tvle lvm íe

Àng svp Láng shvla we dvng

 

1. Svlaq nvng nvm:oy záng nø vshøm gok tiq gok bøn hoq køt dvpvtònø eaqò dvgvp zøngnø vdàn kewe záyàng banè.

2. Àngsvp svng vzøpnø àngtì svng eaqò dvgvp svyø taq vl we yóga bvnrøngrì svng dvshèròe.

3. Àngsvp svng vzøpnø Shøng pvnám we ígø vgori we svng dvban lúnòe.

4. Kanka svp àngtì svng paqká shí nvng nàheò nø eaqò kat bvshøn gánø (အသားဝါရောဂါ) svng dvbanòè.

5. Záyàng dvjáng svng dvngò we nvngòn vl we mvtaq àngsvp vzøpnø lúngshì we àngtì taq kèní gø làngcha nvng bøn we dvjáng (သွေးလွန်တုတ်ကွေး) gø dvban lúnòe.

6. Vgií kewe damá taq àngsvp vzøp nø dvcaq we í, cøpnø àngtìí záa we í, aq we ígø banè.

Àngshí zømdàng we dang

1. Kanka (ကြက်ဟင်းခါးသီး) dvcho svng lóng taq henø záshì we ígø svyung gáng we yóga vmangè.

2. Kanka àngtì svng sóí vshúnø aq we ígø lvngcha taq bønsháò we poqwá dvjáng svng gø ban lúnòe. Vrá nø kwátì svmaq nvng vshúnø eaqò we ígø (ရေဖျင်း) yóga gø banè.

3. Àngshí vgù àngtìsvngsvmi taq shvlømnø ezáò dvgvp híciq wvrciq gángnø za we svng gø banè.