"Làngcha rvtø"

"Làngcha rvtø"

Shìgùng móng làngchā rì èyvng lú:ngò ninø,mvyù làm shøzaq rvtø nvng zøng we Rvngtúng rvtø ní nø,rvtø yvnge.løm we zànggá làm nø rvtø angdōngcè í we svng shálún shìe.Tiq nøng vdòng taq shø mv-zaq wa nø shønlvm rvtø kadvngté mà-vl. Vháng shìgùngrì mvdvm nø tiq nøng gønvhøm tvwvn mv-zø rvt vkatshì we zìdvng èyvnglú:ngò ke,42ံF nvng 73ံF vdòng vkatshìe,wae. løm rvtø angdōng í nø,shøzaq rvtø luqe.Shøzaq we zìdvng èya:ngò ke,shvlá vrvm tvné tiqdvchà í nø rìnshvrá vwál/30 nø 150 letmaq Í nø,tiq nøng gøn vhøm shøzaq we zìdvng nø 140-160 vdòng zaqe,wae.Tiq nøng vdòng shø zaq we angnī nø 160-180 ni ram zaqe, wa nø làngchā rì shvdú:nò we Zvlaq Bedaq róng kení shálúnshìe. Wervt yo we shøng mvløngrì nø kadvgvp gø angcvp mvshøng we wa íe.Mvløng vdòng taq nø mvlì shønhà angpvnpvn kømzøp dø yo móng íe.Yo we zìdvng èyvng lú:ngò ke,bē 3,000 ram taq nø kadvgvp gø angcvp mvshøng we shøngsárí íe.Bē 7,000 ram taq nø shvrū shøng angpvnpvn køm dø yo rvgaq íe. Bē 9,000 vháng ram taq nø Gvmsùng shvrū shøng nvng vpø we Tvnøn shøngsárì yoe. Bē 9,000-12,000 ram taq nø cvp vcør we luqe, wa nø paqzí vdè Kingdomward wa pèí yo pvnrì angrām rì vwályà:ngà wa, gundvtøp we paqzí vdèriò mongkà taq kení shálúnshìe.