"Laudato Si" Rvgaq svng shvringi

Dèni nø Svrabyin Koqkvm Francis í vrúò nø dvkvm we(Laudato si) wa we kà vgò taq kèní dvtìn dvlé lvm íè . Svrabyin Koqkvm Francis ívrùò we (Laudato si )(Ecological sins)wa we ..rvgaqtøm taq tàsvng tàlè tùbøm nø vjúzí we tvrà svng cat nìnø vlèshà ìwe mvràrì, wa we,kà vgò taq,

Bàsharì vlì we shvrà nvng kúrwāng gwør gwør vrvm taq díngvyaq shì we téwa lòq we svng shalún shìè. Jøngjøng ni, kúrwāng vrvm nvng bàsharì dvhø vdòng màrvm màra dìngvyaqshì lòng ì mòngkán taq dvshá dvré vsvng rì kaq téwa nøntcvm lvm vhøm dvzvrò è. Nìvrvm bønwe,vhøm shì we tvrà svng paqzí vdèrì í dvtøpmò we taq, Kùrwāng gwør gwør vrvm taq díngvyaq shìwe Shvngbè mvdvm taq tèwa zàlvm vhømò we dāng nø dvshà vsvngri kaq tèwa dvshá dvzvrò lòng íè. Vrà nø,nøngmaq rvgaq tøm taq dvshá dvréí rì svng mvkok nø shøllvm bvnlìrì taq shvrvn vjø íè.Pàwa lvm wa nì,dvshà Vsvng rì kaq tèwa dvshádvzvr rì lòng nø angmaq í lún vtù we vkoqvkvng rì nvng angmaq súnshílúnlvm lvpat rì svng màsúnā shaq shvngár shaì rvt íè.waè. (Laudato si 48,30)

Vpø ìwe pèmè, nvmchvngmaq Gvrayí pvnmvnò we rvtgaqtøm taq Vngvtshì we,yó we shøng tvwà,zømwàng ninà pvn,vtí taq vl we pvn vrvm,vpø pvn ídāngtè svng shvdún shvrvm làng shára íè.we kvt wa nøngmaq vlí we chøm,kúrwāng, gwør gwør vrvm taq,mòngdvn,mònggan taq mòngzøl lòng lúnlvm ílòng è wa rvzvngcerí gø vrvmí cvnlún lvm rvt dvkvmè.