Lvgōng mvshé vjú vl-we dāng

Lvgōng mvshé vjú vl-we dāng tiqdòngce dvshvnglvm íe.

Vpø íwe Pèmè nvmchvngmaq Lvgōng pvnrì mvmè pvn vlē. Mvnvng lvgōng , kumsing lvgōng , lvgōng naq , lvgōng mvshé angpvnpvn vl nø kvtnā:mie. Kvtnā: mì we nø darì lvpat kèní vkvt høq í rà ì. A:mò pà , nònggwøn vl pà í rvt kvtnā:mi we íē, wa lòng svng wā sháìē.kapvn Vmpà nø pàdang cinge walòng svng tøpni tøprang mvshá yà:ngì. lvgōng nø nònggwøn svng wáshìe, wālong wà sháíe.Iwe vkvt lvpat taq nø vyúng mvshøng kapvn nø góng kàzvng dvpvt vjú vlē, vjú zìē, lvgōng nø kadang svng nònggwøn wáshìe wa rì gun dvtøp mā:nò nø, shá rvmshi lú:ngì we íe..

Dènila nøngmaq rvgaq , Myanmar móngdvn taq gø lvgōng mvshé dvzó lú:ngà.Parvt íe wanì nø, lvgōng mvshé taq shvrøng long svng vgá:mò we nònggwøn, shvwi tøng lòng svng dvcà:mò we nøng záyvng rvt vsvng góng tøqlòng svng vgā:mò we nònggwøn yari vlē.wervt angci,angkang lvpat kèní dvciqciq kvt nā:m daq shà we lvgōng mvshé svng té wā døngku vrv'm í vjú lúnlvmrvt kvtlvm dvzaq shàì.