Mvndvgashí taq kèní lúnshì we shvla we vjúrì

Mvndvgashí taq kèní lúnshì we shvla we vjúrì

Mvdvga shí dvyø nø Latin America móngrì íwe Mexico, Peru móngdànrì taq kèní tuqráì we íe wae. Chyøm súnwángrì taq kvt:vm lvm yùl we ínø vkat shìnø nvmtel we langchyàrì taq téwa shvla we svng gøshá lúnshìe. Mvdvga shí nø shøzaq nø gwit we làngchyà taqø téwa kínø game wae. Vdè Myanmar móngtaq gø mvndvga shí nø kayáng màyáng yowe ínø dvbøgø yùl we taq wan:vm lúnì we íe.

we døí we taq mvndvga shí nø shagóng shiqshàn we dvng dvpvt gø vjú ziwe íe. Kadø íwe vjúrì zie ma wani Mvndvga shí taq Vitamin C nvng Vitamin A dat vnípvn zøng we nvmsì íe. We lòng mvtaq shagóng shvwi, shvrø rìsvng tubùm we Dandat, Folis Acid, Calsiam, Forsforest nvng Potesiam dat rìgø vbáe. Mvndvga shí tiqchyàng taq Vitamin A dat vpáwe ínø vne nvngòn dvpvt shvla we í Potesiam datrì taq kèní góng shvwi dvchang we dvng svng shvla we vjú zi we íe.

Ni vràm mvdvga shí vm we tiqgø nø သွေးတိုး yóga wawe shvwi nvng sing we vna svng vmáng lúnòe wae. Mvndvga shí taq Vitamin nvng Proteins datrì vbá we mvtaq vsvng tiqgø svng shú dvzvŕ we Cole's troll dat màbá we ínø dvgá nàmsì pvnrì dø kíwe dvng taq yúmwe svng yáng lúnshìe. Mvdvga shí nø Cancer vna svng gø vgám lúnò we ínø Vitamin B6 nvng B3 gø vbá weí shvwi dvchyang we tvrà svng gø dvsherò dángí gomvlsì dvpvt gø shvla dø tùbum lúnòe wae.

Mvndvga shí àngye lòng taq kèní gø kadø íwe vjú zie ma? Mvndvga shíye taq Polyunsaturated fatty acids vbá we ínø buqké taq bønsháò we yóga rìsvng gø vgám lúnò nø svyø dvpvt gø shvla we mvtaq shvwi vdòng taq vlwe Collestroll svng gø gvr:a we íe. Mvndvga shí àngye taq kèní mvtuq pvla bønlvm mvl we ínìgø shvdún shvdàng mvdàm e:vm we íni svyø dvkaq dvng sàng vna bønshá shìwe íratnø shvdún shìnø vmrà we svng gø shvdøm we íe.